角質護理 推薦好用產品

Steffie 好用推薦：一枝保濕美白精華於一身的美肌產品, 質地清爽輕盈,容易推開,即使春天潮濕季節,也不會有黏黏的感覺,用後膚色漸白,而且有淡淡清香,睡前使用,有放鬆的感覺！捧!!!

AmyAmy好用推薦：冬天嘅時候用係夠滋潤嘅，但係其他季節用嘅時候我塊面就會太過潤而起粒粒，之前用完成枝，但係都唔覺得自己白咗，可能真係要再用長啲時間先至見到效果

royu3好用推薦：乾性肌膚需使用2號，2號加入了精華油，防止乾燥。它屬於化妝水類別，但主要的作用是溫和去除肌膚表面老舊角質層，讓後續產品更吸收，所以用完後一定要用補濕的化妝水滋潤皮膚☝🏻配合IPSA的其他產品使用，是會見到有效果的。 使用前要先搖勻，倒在化妝棉上，在臉上輕柔打圈。化妝棉真的變成灰灰黃黃的！(#ﾟДﾟ)不過，可能因為清潔力太強，我覺得即使加入了精油，作為每天早晚護理的產品，還是不太適合乾肌。 而且用後感覺到油份還留在面上，好像有阻礙了後續的吸收。相信1號對油性/混合性膚質者更有效。

Rachelcos好用推薦：每朝用完清水洗面之後都會用嘅去角質爽膚水～ 因為本身皮膚偏乾 朝早用洗面奶洗面會更乾 所以就要用啲溫和去角質嘅爽膚水做清潔 IPSA嘅亮肌柔膚水唔單止無令到我塊面乾同敏感 仲真係做到溫和去角質嘅功效👍🏻將啲爽膚水倒喺化妝棉再輕輕抹 會抹到啲黃黃嘅油脂/角質出黎 幫到我後續搽護膚品吸收同埋化妝更加貼服 keep住用一段時間塊面會覺得滑咗！ 有時用黎做導出仲會導出咗好多污糟嘢出黎 塊化妝棉會黃黃灰灰🫢

Milo101好用推薦：🌟有士多啤梨籽的磨砂，磨砂膏是輕柔的軟沙狀 🌟有清香的士多啤梨香氣 🌟以前很喜歡這個產品，因為很香，後來香港好像沒有在售了

agnessstang好用推薦：朋友送的👧🏻 雖然係磨砂面膜但顆粒感不重 唔係會磨到皮膚痛嗰啲 係比較溫和嘅peeling mask 而且真係見到一粒粒草莓籽🍓 附一個匙羹仔用嚟取mask 我習慣夜晚潔面之後用 取適量peeling mask搽喺面上 我喺鼻同鼻兩邊會用得比較多 然後輕輕按摩 多角質嘅位置可以按摩耐少少 之後洗乾淨+平時嘅護膚程序就ok啦 用完之後摸塊面會感覺到滑咗乾淨咗 而且唔會好乾 一個禮拜用2-3次

Verna好用推薦：我是第一次接觸這個品牌，真的感恩有機會試用這皇牌產品 雖然它的中文名是「精華乳」，但包裝說明它的用途是去角質，用於爽膚水之後。官網介紹這支柔膚精華乳有5%果酸和0.05%水楊酸，可以有效去角質、均勻膚色、減少皺紋和色斑 這精華乳的包裝是泵頭，真的很喜歡這包裝設計，因為可以減少精華乳和空氣接觸，感覺比較衛生，值得加分👍 它是是淡黃色，質地比較稠厚，但味道有點難聞，可能因為它不含香料和色素 因為在秋冬天用酸類，我始終有點擔心... 擔心皮膚會敏感、擔心皮膚會太乾，甚至脫皮、擔心對皮膚太刺激，等等，所以我用它時，也特別加強了保濕和防曬保護一下皮膚，所以皮膚也沒有很乾 此外，我一開始用的時候，只是晚上用，希望讓皮膚可以適應一下，用了大約10天後，才早晚都用。用了兩個多星期，我發現膚色真的均勻了，透亮了，感覺沒有那麼暗啞，我之前去做facial時，美容師說我的痘印應該都要一兩個月才可以退去，但我用了這精華乳，痘印就淡了很多

Suetheii好用推薦：之前就聽過Paula’s Choice呢個品牌，不過冇特別去購入🤣點知今次試完都唔錯😛👍🏻利申，中性肌膚，T字位會偏油。 佢一唧岀黎既時候都聞到佢有浸淡淡香氣，個人來講唔太抗拒，而且佢嘅質地都偏滋潤，搽完之後唔會特別乾，但都要等一段時間先吸收得晒。一開頭搽完之後會有少少熱熱地，可能係平時唔係好慣用呢類酸性產品。同埋記得用完之後要出街要搽返防曬✊🏻 用咗一個周期之後覺得塊面係清透咗冇咁暗沉👍🏻亦都無敏感、爆痘或者甩皮嘅問題出現，我諗呢個都比較適合作為新手入門酸類產品嘅選擇😽

Noel好用推薦：意大利 Borghese Fango 美膚泥漿，讓大家能在家體驗 HOME SPA的護膚產品。手上這罐是薄荷綠色款泥漿，對乾肌更 friendly💚 因為之前疫情，不敢去美容院，就趁著藥妝店有小罐裝，就入手試試在家美容❗ 泥漿有不少天然成份： ▪︎高嶺土，去除死皮及老廢角質，吸走皮膚污垢 ▪︎橄欖，保護細胞，延緩肌膚衰老 ▪︎蘆薈及洋甘菊，補水舒緩，改善毛孔，回復光滑 不要以為泥漿一定乾巴巴，又難推，NO NO NO！這罐 Borghese 泥漿顛覆了我對泥 mask 的看法😳 美膚泥漿質感柔滑，偏軟，用手指就已經很容易沾取。而且延展性極佳，好比 cream mask 的質感❗泥漿上面有點清涼感，很鎮靜。圖三可見泥膜可以推到很薄又很貼面，令我非常 impressed❣ 清洗泥膜也相對其他品牌容易，只要用溫水沖洗，就能去除全部泥漿，鼻側、眉毛容易卡到泥漿的地方，也不會有殘留👍使用後，皮膚清爽舒服，而且明顯變得更穩定，圖四 before after 可以見到暗瘡紅腫有減少，整體明亮感有稍微提升🥰 用完這罐 76g 可以安心入手大罐了💕 #BA照 #BeforeAfter

choichoi好用推薦：比深色綠泥來得保濕，不會在使用後皮膚感到緊繃；配合黑頭貼可以輕鬆去除隱藏的黑頭、粉刺，及後做個保濕紙面膜，可以維持幾天皮膚帶光澤又好氣息

royu3好用推薦：☀️夏天好物分享☀️精華篇 呢幾年keep住都要帶口罩，特別係夏天嘅時候， 皮膚好容易出暗粒、甚至誘發炎症、暗瘡等問題。 加上wfh 成日熬夜，皮膚差左好多(;_;) 本身係IPSA fans嘅我，見到呢枝Serum 0緊緻新肌精華正正就係針對以上問題，於是決定買黎試試！serum 0 蘊含魚腥草、楊桃、綠茶葉等草本萃取，深入肌底強化肌膚排毒機能，有助改善水腫，抑制炎症和促進新陳代謝。 用完柔膚水之後，用3泵份量塗勻面部～ 佢質地輕薄、啫喱狀，一啲都唔黏笠！ 按摩幾下就完全吸收哂！(*´∀｀*) 用左一星期左右已經feel到皮膚泛紅同暗粒問題真係有減退嘅跡象，同埋膚質有變柔軟、改善到皮膚粗糙問題。至於緊緻輪廓方面，暫時未有感 （笑） 基本上對呢枝serum 0 新肌精華都好滿意(*ﾟ▽ﾟ)ﾉ 唯一扣分位係，酒精味實在太重！ 如果改善埋味道問題就perfect！ #夏季水光肌養成挑戰

Rin好用推薦：我唔知點解同網站上面嘅形狀係有出入 但係呢個係喺專門店官網買嘅 我覺得佢話有排毒嘅功能，同埋要做一個按摩 事實上我有keep住做嘅，但係效果唔太特別唔覺得佢有啲咩功效 我感覺唔出嚟，佢嘅作用喺邊度 所以價錢上，我覺得係CP值都幾低

kykyky好用推薦：清爽又有保濕既爽膚水，第一次用完之後，皮膚覺得柔軟咗，再搽上其他護膚品都吸收得快咗，持續用咗一排皮膚冇咁暗啞，覺得岩依家暖暖地天氣用

Nicole 好用推薦：按壓瓶設計使用很方便，水狀質地，上臉剛開始會有點點粘，按摩吸收後很潤，所以冬天用會比較好皮膚較快吸收，幫皮膚做好保濕打好底，後續上狀會更加貼服而且不卡粉。

Cole Cole 好用推薦：一直都用呢隻磨砂洗面膏，磨砂粒子超級經幼滑，好易推開，易過水，唔會殘留喺皮膚，磨砂粒子幾乎好難感覺到，清潔能力強，洗完面皮膚有小小麻麻哋感覺。我就冇困定時間用，差不多一至兩個星期用一次。價錢唔平。

choichoi好用推薦：大力推薦的去角質產品，即是皮膚像我一樣薄、容易敏感，也可以安心使用；帶來去除角質的實感但不會造成刺激，皮膚過水後感到滑溜，後續的護膚品吸收也更加理想

AmyAmy好用推薦：清潔力唔錯，用完佢之後亦都唔會令到塊面好乾，感覺上可以每日都用佢就會令到塊面好乾淨

Noel好用推薦：🌟🌟🌟🌟🌟🌟 六星星 亞馬遜白泥清潔產品，是品牌的明星商品之一，用過了小包裝，白泥潔面乳呈乳霜妝，沒有一塊塊泥土的感覺，起泡效果不錯。使用後用溫水沖洗，皮膚感覺很清爽，沒有乾燥及繃緊，感覺很好❗

Jayla好用推薦：精華係每日保養最重要嘅一環。好嘅精華唔單止要維持到皮膚穩定，仲要有好嘅加乘效果。今次買嘅呢支係aesop嘅香芹籽抗氧化高效精華，容量比一般市面嘅精華都要大，足足有60ml，我已經用咗半支，就嚟分享一下心得。 呢支精華主打係抗氧化，強靱，保濕同抗污染。睇返成份niacinamide,即係維他命B3都排得好前 ，證明佢功能果然係強健皮膚屏障👍🏻 質地係有非常清爽嘅水狀精華，搽上面都吸收得好快，10分鐘後摸上去會有搽過少少膜感，但完全唔覺得笠。而顏色係有d啡黃咁，不過上面推開之後唔會有顏色殘留，所以朝早都可以放心用。 我鐘意每次大約用1/4 pump, 剛剛好可以搽晒全面。特別係而家呢d轉天氣嘅季節，臉頰好容易就泛紅同痕。我連續早晚用佢就好明顯感覺到皮膚可以維持到光滑，而且泛紅嘅情況都會改善。有時俾貓貓蹬完臉同頸會有一撻紅腫咁，都可以繼續放心用，第二朝起身就會消得7788。

Circlecyy20好用推薦：大大枝都用幾耐 質地比較厚身 但係好易吸收 係少數我會夏天都用既產品 因為吸收後其實唔黏笠

SzeChan好用推薦：🧏🏻‍♀️《SKINFOOD-黑糖光采肌底精華 & 黑糖5合1光采精華面膜》 @SKINFOODHK I▪️🅘🅝🅣🅡🅞 黑糖除咗可以食之外，仲可以護膚㗎❗️SKINFOOD出咗黑糖嘅護膚產品，就等我試吓啦❗️😝 「黑糖光采肌底精華」 🔅肌底液都做到日常去角質 雙效肌底精華蘊含全天然有機黑糖活化肌膚 ✔️徹底去除潔面後的殘餘角質，軟化肌膚 ✔️將水分及養分填滿缺水受損細胞，為乾燥肌膚進行重點保濕，肌膚重回彈力飽滿。 ✔️額外添加洋甘菊、蘆薈及金縷梅等安撫鎮定成份，持續增加肌膚保濕度，不易引起過敏 💁🏻‍♀️【用後感】 先使用「黑糖5合1光采精華面膜」，將肌膚中的老廢角質溫和地清除，黑糖中的幼細磨砂粒子，除了深層清潔、去角質外，亦做到會補水功效❗️使用後皮膚即時柔嫩白滑咗❗️之前再配上「黑糖光采肌底精華」 佢有獨家專利黑糖酵素成份「Sugar Toning」，可以迅速將營養同水分由表皮滲透至底層，提升肌底營養吸收力，令後續嘅護膚品發揮最佳功效👍🏻👍🏻👍🏻

KDing好用推薦：隻味都幾甜 上面仲聞到陣味 滋潤度都算唔錯 雖然佢係肌底液 但有時唔想太笠會單用佢

hellolulu好用推薦：專櫃購物獲贈試用裝，超迷你瓶身配搭滴管非常可愛，使用起來取量亦方便👍 安瓶精華透明無色，帶微微belif一貫草本氣息，初時略感杰身但容易推開和吸收。現在夏天悶熱天氣下，早上潔面爽膚後取三至四滴即可塗滿全臉作基礎保濕，後續面霜和防曬。 暫時使用了約兩星期感覺不錯，但論保濕度和舒緩感，個人還是最愛品牌的匈牙利女皇保濕鎖水精華👍

zetalhc好用推薦：個人幾鍾意呢一個牌子嘅護膚品，成份很天然很適合敏感肌。精華用咗一排感覺毛孔細緻咗，而且好保濕，之後使用嘅護膚品都很容易吸收，會一直購入！

橘子貓好用推薦：Perfect Water Cleansing 意想不到好用的卸妝水！ 純水狀，好清爽，卸完不過水都不會覺得有黏笠感（當然我建議還是要過水的）。抹上眼皮，完全不會薰眼，零刺激，零油膩。 卸妝力又意外地很高，淡妝卸得到是最基本，連眼線、持色唇釉都卸得到，非常出色。 手上有眉gel、唇釉、眉筆、眼線的試色：將卸妝水倒到卸妝棉上，稍稍濕敷幾秒鐘：濕敷後輕輕一抹，除了防水彩妝，其他彩妝輕易卸走：再用卸妝棉打圈抹唇釉、眉gel，也可以卸走防水彩妝：另外，卸妝水香味也意外地很合我口味，是一股淡淡的花果香，很清新。 要勉強說一個缺點，就是水狀的，消耗得很快吧。不過價錢平宜，用得快也不怕了。 絕對會回購正裝的。 #BA照

Noel好用推薦：本來只因為購物的贈品，因此沒有多大期望，最近才帶這個小枝卸妝潔膚水去旅行，結果愛上了💙 這枝專科的 perfect Water Cleansing 呈透明無色，高流動性＋水狀，只要倒到化妝棉上再輕抹面部即可。同時，它帶點精油香，香味好聞又不嗆，加分❗清潔力也不錯，防曬及粉底都卸得乾淨。用作感覺不乾，不會繃緊，會考慮購買大枝裝👍

貓餅好用推薦：學生時期的恩物，便宜又好用，按出來就是泡泡，能夠保濕皮膚，溫和不刺激，用完不會繃緊，好用

Karman28好用推薦：因為懶，所以買左支一唧就係泡泡既洗面，真心唔太鐘意，唔夠同款洗面膏起泡棉密，使用感無洗面膏咁好。

Milo101好用推薦：🌟Borghese美膚泥漿，已經用了好多瓶了，這瓶黑泥也是比較常用的一瓶 🌟配合用套裝附送的面膜棒，可以輕易從瓶中挖出泥漿塗上臉上 🌟泥漿質地細滑，塗上後依指示敷大約5-10分鐘洗去（不用等到乾才洗呢） 🌟 高嶺土及膨潤土配方，可以溫和去角質，用後會覺得清爽不繃緊，去除表面油脂，一些油脂粒都推到皮膚表面方便清理 🌟雖然標榜是油肌必備，自己是混合性皮膚用了也很適合，有水油平衡之感，成份有紅花籽油及維他命E也可以幫助護膚 🌟經典泥漿玻璃瓶，每次用也有一種輕鬆在家做美膚spa的感覺～ #我的崇光感謝祭必買去角質

zetalhc好用推薦：呢個泥膜清潔力很高，很適合油痘肌，用左幾次覺得面頰毛孔細左同埋鼻翼黑頭粉刺少d

mandy好用推薦：Fresh Umbrian Clay Pore-Purifying Face Mask 意大利白泥淨化排毒面膜 $500/ 100ml; $220/ 30ml 功效: 保濕+排毒+深層清潔+控油+收毛孔 官方使用方法: 1. 用作面膜：潔面後，在濕潤肌膚上均勻塗抹，敷3-5 分鐘，然後沖洗乾淨。 2. 用作洗面奶：取少許在濕潤肌膚上按摩 30 秒，並避開眼睛，然後沖洗乾淨。 3. 用作局部護理：輕拍需局部修護的區域，等待完全乾燥後沖洗乾淨。 意大利白泥來自中部小鎮Nocera Umbra，其歷史非常悠久， 而fresh將意大利白泥的古方升級， 成為自家產品--意大利白泥淨化排毒面膜。 其實早在 1500 年代，當時的醫生和科學家已經使用白泥治療皮疹、 昆蟲叮咬和暗瘡，以緩解肌肉疼痛、消化疾病和潰瘍。 白泥的秘密在於其獨一無二的高礦物質含量，有助淨化肌膚。 我好怕有些深層潔淨泥膜，用完塊面會好乾。 fresh意大利白泥淨化排毒面膜作為泥膜就沒有這個問題， 不但比其他品牌更保濕，而且非常易於全面均勻推開。 成分方面比較簡單，蘊含一些養膚成分， 如:保濕、抗衰老等護膚成

minna ki好用推薦：用後會好乾 ,雖然我之後會用返保濕mask去保濕,但卸白泥嘅時候比較用力 ,加上我覺得佢收毛孔嗰部份比較一般 ,不推介❌

Kpl6be6好用推薦：通常當皮膚有感乾燥時～就會用呢支"韓版神仙水"嚟濕敷～感覺如果用貴啲果支神仙水大量倒落化妝棉度濕敷太肉赤～用呢支同樣可以收獲到鎮静同補濕效果～

Circlecyy20好用推薦：之前買過發現濕敷的效果可以用做早上面膜 皮膚能夠簡單地添加水份 保濕則是靠其他油類產品維持

jaye好用推薦：化妝水無論用化妝棉定用手拍上都一樣甘清爽，同時馬上舒緩到繃緊乾燥既感覺，個陣夏天早晚都用，慢慢覺得係控油力上係有感，水油平衡返d，相對皮膚穩定啲，有效幫助收細返毛孔，不過秋冬就最好轉用其他較注重保濕既化妝水。

格仔餅公主好用推薦：水油既平衡度有改善，特別係晏晝以前T位出油到反光，用左佢會改善左：個額頭唔再反哂光好尷尬，算係盲買成功

ありさん好用推薦：用的時候倒沒什麼感覺，可是堅持用了一段時間之後，皮膚明顯變好了，皮膚看起來也水潤潤很多。

timetohaveacupoftea好用推薦：好保濕好保濕嘅化妝水！ 我係乾性膚質，每年冬天左邊右邊「面珠燈」都會有裂開嘅感覺，鼻頭會有脫皮。 呢一個化妝水係搽一層已經覺得好保濕，真係好保濕，你會覺得半個鐘頭後塊面都仍然好滋潤，唔會覺得吸收完塊面又變返乾！ 但有可能不會回購吧，這個價位都幾貴，希望可以再尋找更平價又保濕的化妝水👍

橘子貓好用推薦：Wafood Made Sake Lees Lotion 雪白色的化妝水，好水狀，保濕度高，有點潤澤感，秋冬濕敷好舒服。聞着有一點點米酒的味道，用後有美白提亮效果。

Noel好用推薦：早年非常流行日本酒類護膚品，大家都愛上酵母美肌。當時就購買了這枝酒粕化妝水，內含米白色粉末，使用前需搖勻啊！化妝水帶點清酒味道，不難聞，塗到面上清爽舒服，沒有敏感👌 但感覺它的酵母濃度不算很高，煥膚效果不明顯。改為濕敷，快快用它，反而有不錯的亮白效果🙌