找產品
立體感 推薦產品一覽 484 件
Tobimak好用推薦：性價比高，顏色每一格都能用，沒有廢色，顏色很漂亮，就是附送的掃子比較一般。
<看全文>Hchan好用推薦：經常推出新產品、便宜又好用的 canmake是我的最愛日系化妝品牌之一。我購入的這款是11號，偏米色的大地色調，配色相當美，由淺至深塗上即可打造立體感的眼廓，產品背面有教學說明方便新手，隨盒亦附小刷子及小鏡方便使用。 眼影粉質地柔軟細膩，上眼感覺順滑沒有顆粒感，持久度高，眼妝一整天都不太暈染及積線，顏色飽和度屬中等，可按需要疊層使用，不過所有顏色都有珠光，如果害怕眼皮顯浮腫的可能不太適合；另外特別喜歡正中央那塊白色閃粉，方便畫淚袋及眼影高光位。 整體相當高性價比，如果喜歡日系柔和的眼影色調十分推薦購買。
<看全文>
Foksum好用推薦：第一次用NARS嘅產品，呢款胭脂好出名，所以早排買左黎試，色號係較自然顯白的sex appeal 用左大約兩個月，佢顯色度高，唔飛粉，粉質都好幼細 因為工作需要化妝及帶口罩，佢既持妝力維持到工作完一日收工番到屋企都仲係好顯色！係我用過咁多隻胭脂裏便最好用最顯色！ 雖然單價較一般其他品牌嘅胭脂貴，但個人覺得佢嘅效果值回票價！ 唯一嘅少少缺點係佢嘅包裝，雖然係磨砂矽膠面不留指紋，但個人覺得比較易污糟易吸粉塵
<看全文>royu3好用推薦：NARS 的胭脂相信熱愛彩妝的大家都不會陌生，無論顯色度、持色度都很優秀，是十分出色的一款胭脂產品👍🏻 簡約的黑底白字、配以磨砂面，非常有質感。 粉質細緻，一抹與肌膚自然融合，且只有輕微飛粉。上為Orgasm 成為皇牌顏色是有原因的，美到爆炸🌟 暖調蜜桃色🍑淺暖膚色可愛討喜，深暖膚色健康有活力。加上金色亮粉，為肌膚增添光澤感。 需注意的是，閃粉會顯毛孔，本身就有毛孔問題的朋友，可考慮相近的deep throat👍🏻 下為Dolce Vita 偏紅的霧面玫瑰色胭脂，薄塗能增加肌膚血色感，非常自然🌹唯一缺點是，包裝很易氧化，令盒子變得黏黏的⋯ 撇掉這點，各方面的評價都很高，而且一塊能用很久呢！每個女孩都應入手一塊💯 ⭕️顯色度高，使用時宜少量多次的方式疊加。
<看全文>
LenaC好用推薦：疫情下日日帶口罩 但約會難免要除低口罩 食吓飯飲吓野 所以除咗化個靚靚既眼妝之外 口罩吓既妝容都絕不能忽視哦 簡簡單單兩件單品 輕鬆締造甜美妝容 1. YSL 既迷魅亮彩唇膏 小金管加上YSL金環設計高雅唇膏水潤唔脫妝 蘊含護唇油 一抹非常易推 不黏膩 完美隱藏唇紋 且有極高色彩飽和度 前後光澤感：❤️❤️❤️❤️❤️ 水潤感：❤️❤️❤️❤️❤️ 舒適感：❤️❤️❤️❤️❤️（滋潤度高容易推開） 持久度：❤️❤️❤️❤️❤️（不易脫妝 食完飯都仲留有色澤） 2. 胭脂 德國有機彩妝品牌NUI Cream Blush 100%天然成份 90%有機成份 蘊含保濕植物油成份 充分滋潤肌膚 除咗可當做胭脂 仲可以當做眼影、唇膏 質地雖然係膏狀 但塗抹時會變成粉末狀質地 直接用手指印開 我揀既PITITI 色系 係玫瑰粉紅 完美打造霧光好臉色 好似夏天剛曬完雙額紅卜卜 簡簡單單兩件單品 輕鬆打造 #夏季戀愛感妝容
<看全文>bibubibu好用推薦：我手頭上嘅顏色係154 係一個莓果嘅顏色 搽上念非常顯氣息 就算係黃皮嘅女生都可以輕鬆駕馭 呢個顏色唔會挑膚色 質地油潤 上嘴充滿光澤感 有少少染唇效果 整體唔算太持久 另外佢唇膏有香水嘅味道 個人相當喜歡
<看全文>
lingbb好用推薦：- 秋冬最乾既時候上粉，不少得bobbi brown既皇牌冬蟲草精華粉底液。 - 一小滴就好易推。推到半塊面，因為配埋佢既精華非常smooth非常滋潤既感覺，帶有光澤既finish - 之前覺得自己乾肌時一定好需要用所以買咗成枝，結果就用極都用唔完 - 香港天氣比較潮濕，對我黎講唔係成日都用到，一定要天氣乾時先好用，香港既冬天又唔耐，乾既日子都唔耐， - 如果熱一點就會好易溶🥵。 - 天氣乾無咗佢又唔係好得，有時皮膚乾但天氣濕，我會集中用係乾既位置，出油位置就避開 ，希望快點用哂 #我的秋冬愛用彩妝
<看全文>Hazel好用推薦：佢有淡淡嘅中藥味道，唔算勁流質但好水潤，搽上塊面有種涼浸浸嘅感覺，延展性都唔錯，不過遮暇力一般．
<看全文>
Nicole 好用推薦：24夏季限定薰衣草紫色蜜粉餅 外型和馬卡龍一樣可愛🟣 粉餅質地比較細膩，自帶鏡子和粉撲； 粉撲比較柔軟，抓粉力度也不錯，輕輕拍就能取到粉。上面後確實有隱形毛孔的效果，屬於那種完全無色透明感的蜜粉，微微霧面，所以不會改變膚色，是自然裸妝感的必備！ 控油效果也不錯，面上出油減少，至少能夠維持大半天；當需要補妝，把蜜粉印在油光出現的位置，迅間就能把油光消失得無影無蹤，還有味道是淡淡薄荷味和有一點點涼感，相當適合夏天使用！ 集控油、持妝於一身，值得再次回購！
<看全文>Ruby Wong好用推薦：好喜歡呢盒蜜粉！🫶🏻 首先佢主打係睡眠蜜粉，當你完成整個護膚程序之後，塊面總係有種黏笠笠嘅感覺，尤其是係用完一啲好潤嘅產品之後，嗰種感覺唔係咁好受，有時仲會黐住啲頭髮喺塊面度😅上完呢隻蜜粉，塊面嗰種黏嘅感覺冇咗，仲可以幫你鎖住頭先護膚嘅成分喺塊面度，而且在外過夜嘅話，朋友見到素顏都唔會咁尷尬。 另外如果化淡妝嘅話，呢隻蜜粉定妝效果都好好，而且佢細細盒方便攜帶，所以我都會帶埋佢出街，方便局部補妝。❤️ 不過佢性價比唔算太高，始終佢咁細盒，日又用夜又用，都算好快用曬😅但係真係太方便，我會回購。
<看全文>
mandy好用推薦：Clarins Lip Comfort Oil 凝亮護唇油 凝亮護唇油(舊版)是我用過好幾瓶的心愛唇油產品， 這是舊版，現已推出新包裝的凝亮護唇油。 凝亮護唇油不論新/舊版，都推出不少色號， 讓大家可以隨意玩色。 我非常愛用凝亮護唇油，因為在秋冬季， 為了避免唇部龜裂，就只有唇油最能 深層滋潤乾燥雙唇，並且可減淡唇紋。 使用感舒適，未至於好笠，滋潤度剛剛好， 而且成分溫和，不會刺激雙唇。 帶唇色非常方便，可為唇部增添紅潤感， 不會顯得臉色太蒼白。 平常天氣熱時，大家可能不覺得很需要唇油; 可是一到秋冬季，唇油的重要性就變得不可小看， 建議大家隨身攜帶一枝凝亮護唇油， 那就可以隨時隨地滋潤雙唇。 含保濕成分 : 荷荷巴油, 歐洲榛籽油 及 醋酸鹽維他命E 抗氧化成分 : 荷荷巴油, 鏽紅薔薇籽油 及 醋酸鹽維他命E 抗衰老成分 : 荷荷巴油, 鏽紅薔薇籽油 及 醋酸鹽維他命E 鎮靜消炎成分 : 醋酸鹽維他命E
<看全文>橘子貓好用推薦：初初使用時十分喜歡，蜂蜜味道甜甜的很討好，胖胖的唇掃取用唇油方便，足夠滋潤。晚上睡前當唇膜塗上，也可以去唇紋、死皮。 不過當我用了半枝後，就沒那麼喜歡了。首先，質地真的很黏，會狂沾頭髮，塗多了會讓人覺得像偷吃了豬油沒抹嘴。其次，以滋潤效果來說，比起我用慣的唇膜來說，持久度並不足夠，約4小時就要補塗。 如果嘴唇像我很乾的妹子，這個價位下可能有更多較佳的選擇。
<看全文>
chasiutung好用推薦：昇級版個氣墊粉盒嘅設計真係好靚黑色金色皮革設計既高貴又型格 我用嘅色號係b25 有日系奶油肌妝效 妝感服帖 上臉遮瑕度一般 黑眼圈位置同痘印需要另外用遮瑕液遮 妝感吾厚重透薄透奶油肌妝感我混油肌夏天持妝大概四小時左右開始出油 有輕微浮粉用紙巾印下都ok 無用定妝產品個妝都keep 得幾好 整體感覺吾錯 秋冬使用無咩點出油 控油同持妝效果都好理想 右邊係恆時啞緻氣墊粉底B30 左邊係昇級版輕透無重羽毛氣墊粉底B25
<看全文>lingbb好用推薦：- ysl cushion外型從來唔會令人失望，黑襯金色ysl字非常型格，摸上手都好有質感， - 粉樸印有金色ysl字，而且樸嘅質地非常柔軟舒服，絕對高質 - 氣墊有spf 50 加咗好多分，夏日炎炎出去補防曬都好足夠 - 質地好creamy但唔厚身，好快就化好底妝，真係做到氣墊快速而又完美地化好個妝 - 夏天用咗好多次都好滿意 - 遮瑕度中上，圖中我無用遮瑕膏，遮蓋咗我8 成泛紅位置，好出色，matt finish ，令成個妝容都好無瑕，用定妝粉輕輕定妝就出得街🥹 - 係戶外行走持妝6 小時+ 帶口罩=都無乜甩妝 - 中途有用碎粉補一補（個人習慣） - 雖然無溶，但感覺好似有輕微氧化 - 非常適合戶外走動、需要快速上妝又唔想額外拎防曬既你😍
<看全文>
chasiutung好用推薦：Ysl恆時輕透霧光粉底液 spf20 新版同舊版都有買過 先講講皮膚狀況 我膚色黃皮1.5白 混油敏感肌 夏天出汗同出油量都算多 有痘印 質地: 舊版質地偏杰 無乜流動性 超快乾 新版Ysl恆時輕透霧光粉底液 質地同舊版吾同 粉底液流動性強 上妝更好推 更輕薄 色號: 新版我買嘅色號係Ln4 舊版係b25 新版色調偏黃調 舊版色號氧化後偏紅 對我黎講新版色號更合適 新版粉底液改善左粉底氧化暗沉嘅問題 💕 妝感: 舊版嘅妝效更奶油肌 出少少油後反而妝感更靚 不斑駁 無溶妝 有種出油後同粉底自然融合嘅感覺 新版嘅妝效更霧面更雅致 控油力更強 妝感更輕薄 上妝後有點乾 鼻翼眼底會卡粉堆積 妝前要做好保濕🫶 持妝： 新版嘅控油力更強 但持妝效果沒舊版好 半天左右會斑駁同少量溶妝 舊版不太控油 但出油後妝效仍然好靚 一整天妝感都好靚但會少量暗沉 總括： 我個人比較喜歡舊版嘅奶油肌妝效 喜歡新版嘅粉底流動性 喜歡新版嘅色號同埋改善左粉底氧化暗沉嘅問題 兩支整體都算吾錯
<看全文>zetalhc好用推薦：適合油性肌嘅粉底液，用全日同埋係炎熱天氣都唔容易脫妝，但係遮瑕力不太高，痘印同黑眼圈唔係好遮到。不過overall性價比唔錯，質感幾透薄同埋唔致敏，一支夠半年日日用
<看全文>
Lumi Kwan好用推薦：一睇就知我係fans. 兩大唇膏品牌YSL 同Dior都係我大推，但如果講大愛大愛，一定係YSL。我都未影晒，但目標係想話俾大家知質感。 第一支係我好常用嘅啞緻唇膏，睇我連number 都冇左就知我成日帶出街。佢好好用，好易查，啞色但好滑，又唔易甩。 我個人係中意唇釉，漆亮系列水凝膠質地為雙唇帶來清爽，唔同平價品牌，佢係好long lasting，又唔會好閃令令，太糖果感覺有時會好油膩，佢就剛剛好，帶點小性感。而金蓋系列就係啞色，佢更long lasting又唔乾，好嘅lip tint唔乾真係好緊要！ 至於唇膏，圖中小銀管有粒銀星星，所以啲閃粉一查就會出晒黎。 對比之下，絕色唇膏較實色，顯色度係最高。亮彩唇膏就自然d，但都有啲色系有閃粉，可按個人選擇。 我再加一張”落妝一次圖”，就知邊款最long lasting
<看全文>葉子🍃好用推薦：色號52，顏色一層已經好顯色，顯到膚色白，不過偏干，如果甩皮用，仲會差左，浮起晒，要打好d個底
<看全文>