Minnie Tse好用推薦：顏色很自然，容易上色 先用面積較大的那色作主要胭脂 在上面加一段少少另外那偏銀的，作為highlight 很有精緻感

Kpl6be6好用推薦：包裝精美～粉質幼細～適合少量多次叠加去打造紅粉菲菲嘅朝氣妝容～

Kura好用推薦：呢款妝前打底幫助到我每日都可以快速上妝，我用嘅顏色係rose，可以提亮同埋均勻返我嘅膚色，令到冇咁暗啞，搽上臉質地透薄，容易推開，用完之後就可以用碎粉定妝就可以出門，令到我全日都氣色唔錯，同埋有40度嘅防曬度數，啱曬我日常返工出街嘅需求，係我今個夏天最鍾意嘅妝前打底 @cosme #妝前打底 #妝前打底

Fng好用推薦：容易推匀又唔會笠，適合夏天使用，同埋spf 40+++，感覺戶外活動用此打底也可以。

Tobimak好用推薦：我塊面本身暗瘡印較多，但一直都好想搵到可以快速上底妝的方法。一直身邊朋友都話NARS既粉底液好好用，所以我就去左專門店試。sales姐姐強調話呢盒並不是bb cream，只係以cusion方式上妝既粉底液。 咁啱買既時候有特別版既粉盒賣，所以我粉盒係白色既😚 開頭用既時候較難拿捏份量，好易上多左變厚粉，但之後用慣咗就冇呢個問題。 呢隻粉底遮瑕度都夠，剛上完妝既時候真係好靚好自然，不過對我黎講就last得唔耐就會有溶妝情況。

Ivonne好用推薦：遮瑕力度夠, 滋潤度都ok，少量已經夠用一次 但對於我就需要定妝先hold得耐

Kura好用推薦：平價好用嘅眼線筆，筆頭夠細，我係新手畫眼線都容易掌握，可以好精準咁畫到我想要嘅效果，我鍾意用黑色，但唔係黑到非常惡個種黑色眼線筆，畫完成條眼線都好柔和，夏天用出街全日都唔會溶，返到屋企用普通眼唇卸妝就可以清潔得到非常乾淨，同埋價錢非常親民，cp值非常高，我個人覺得適合新手值得一試嘅眼線筆 @cosme #眼線筆 #眼線液

Verna好用推薦：我讀書的時候已經用Maybelline 的產品了，因為它的價錢親民，而且品質不錯，是小資女的好朋友🥰 到了出來工作一段時間，我仍然keep住有用它的產品，全因為它的質量真心不輸專櫃品牌 以這支眼線筆為例，它的筆頭幼細，只有0.01 mm，而且出水穩定，畫的時候很暢順，就算新手也可以畫到一條順滑的眼線，它的顏色很顯色，而且也沒有暈染，唯一缺點就是它真的頗持久，所以畫的時候要很小心，否則如果畫花了，就有點麻煩才可以擦掉再畫

Viannie好用推薦：中學時代會覺得好吸引但又有點貴的一盒胭脂，特別在形狀係圓圓拱起，帶有獨特香味，磁石盒蓋，細細一盒有齊鏡同掃。購入的顏色雙色款01薔薇色，附有的胭脂掃毛超粗上面會好吉😂不過勝在帶出街/旅行用就非常方便。顯色度不錯，帶有柔和珠光，重點係佢個香味會令人見到就想打開黎聞下😂持久度也不錯

KDing好用推薦：顯色度都高 取粉量要小心 粉質幼細 上面後都唔會好易顯毛孔 整體ok

PorscheB好用推薦：第一次用Make Upforever呢個ultra Hd 定妝粉 之前都係用碎粉 倒出黎果種 感覺都係比較難掌握用量 今次呢個粉餅 只需要用掃 掃 然後fing走多餘既粉 就可以上面 粉質好幼細，定妝效果滿意 價錢唔算好貴 性價比ok 特別中意 個粉盒有塊鏡 個外殼唔膠 有手感 亦都有啲重量 有高級感覺！ 最方便就係出街補妝都有得照住 唯獨係無位放棉 / 掃仔 如果帶出街用，就要另外擺補妝工具

sylsylsyl好用推薦：由於貪方便嘅關係，雖然知道碎粉會抵用過碎粉餅好多，但係都係用碎粉餅多 始終可以唔使倒黎倒去同怕拎粉太多太少 對朝早趕急嘅返工時間黎講好緊要 所以我呢盒碎粉餅其實係向屋企用，工具係大powder brush 因為佢係無粉撲向入面 如果要帶出街未必好方便 顏色係白色，上面係完全唔影響粉原有顏色 然後粉質好幼細，有柔焦效果，再加控油 （但唔會過乾） 係我春夏秋會用嘅碎粉餅 冬天會轉用保濕強d嘅選擇

kykyky好用推薦：LES BEIGES 自然亮肌果凍氣墊粉底好滋潤皮膚，唔會令乾紋明顯，呢款氣墊粉底好輕盈，唔會好厚好濃妝，有調亮膚色功效，用咗成日又唔會變暗，用完都會繼續用。

Ednababe好用推薦：我最愛的粉底，因為佢夠自然同鐘意佢嘅有光澤感（油肌可能唔適合），可惜遮暇度不高。可加一層碎粉定妝。好鍾意佢淡淡嘅香味。可買refill, 環保。

Fng好用推薦：excel 眼影我買咗 d01 偏粉色， s02 偏金色， 粉質幼滑，有細閃粉，珠光妝感，容易地handle 清透妝容，細細盒易收藏。

Nicole 好用推薦：色號是D07 白桃粉色 D系列是透明度高的大顆粒珠光閃✨ 眼影壓得很實，不會飛粉，用手指沾小小眼影，直接點在眼皮和眼頭就👌🏻 它是很有存在感的閃，而且閃粉有大有小，用了它有畫龍點睛的效果👀

Fng好用推薦：我喺專門店買，色號係 yp10，偏黃， 遮瑕度好好，同埋 比較滋潤， 較適合冬天使用。

綺羅香好用推薦：以前用過好多粉底都爆痘， 後來聽講Covermark嘅漢方粉霜被譽為最適合痘痘過敏肌嘅粉底，所以一直都好想試，早前終於買咗啲試用 今次買嘅試用色號比較多，因為呢款漢方粉霜顏色調得比較特別，會特登分藍色調同黃色調，藍調對應冷皮，黃調對應暖皮，唔識分辨冷暖皮的話，就最好去門市搵sale幫手揀，又或者好似我咁買幾個覺得會合適嘅色號，逐隻試上面 自從學識睇成份表，自然都會查一查呢隻粉霜，成份非常簡單，包含最基本粉底成分、化學防曬、一啲抗炎抗氧成分，不含成膜劑，亦都無乜油分，好處就真係唔會焗啲痘，唔好就唔持妝好易甩 粉霜質感水潤，拍開好快乾，我用氣墊粉撲上，但係啲粉霜俾粉撲吸哂，要改用粉底掃上，再用美妝蛋拍瓷實，底妝透薄舒服，無負擔感，妝面有自然光澤，遮瑕度中低，但能夠柔焦毛孔，帶妝半日都無爆新痘，果然係痘敏粉底嘅祖師爺

Fng好用推薦：givenchy 四格碎粉，made in Italy，我買咗02號色，帶象牙珠光的，適合想打造柔美有光澤的肌膚，粉質輕盈、細緻，妝效係自然持久的光澤感，些小遮蓋瑕疵，上碎粉後皮膚質地光滑，皮膚質量捉升。⠀

Rosa好用推薦：蜜粉質感細膩，能保持妝感自然 非常喜歡 非常容易做到裸妝的效果 這是我最愛的效果 尤其我有時候選用厚身質感的面霜，面上油光滿面，用這個蜜粉上面，立即呈現又薄又通透水光感 非常值得回購