Cathy tam好用推薦：用咗呢支Lightful C+ 光透養膚防曬底霜真係返唔到轉頭，一支就已經有齊美顏、控油、均勻膚色、防曬、遮瑕功效，仲使乜用咁多其他產品呢🤭 下圖既份量已經足夠apply晒成塊臉，佢既延展性極高，質地水潤好易推開，所以上臉後可以推到好薄，但係同時佢又有一定嘅遮瑕程度，所以搽咗一層底霜之後依然感覺到皮膚可以如常呼吸，而入面嘅玫瑰粉紅光份子能夠即時提亮、均勻膚色。下圖可以見到佢質地係偏向水狀，所以唔使擔心上妝後會太厚而我自己本身眼部周圍都有啲乾紋，用咗呢個底霜之後可以遮蓋到一定程度嘅乾紋🥰🥰大愛！ 好多人都讚我呢排皮膚好左，我想講唔係因為我皮膚好左，只係轉左一支底霜🤭 而且平時化妝一般四五個鐘頭就開始甩妝，但用咗呢支底霜之後明顯妝容嘅持久度提升咗，去到第八個鐘妝容都依然正常，本人十分滿意😊 粉底固然重要，但有一支好嘅底霜先至能夠令到好嘅粉底發揮到佢最大嘅功效，而呢支Mac 既底霜，一支已經可以解決到好多皮膚嘅問題，所以建議大家一定要入手🤭

runranrun好用推薦：好開心今次終於抽中咗cosme嘅試用，用到呢枝新出嘅Lightful C+ 光透養膚防曬底霜 ❤️ 我成日覺得如果同一個品牌有出一系列嘅化妝品嘅話，成set咁用會係達致到佢嘅最佳效果，而事實果然如此👍🏻（唔夠保濕結果起乾紋嘅額頭🤣） 講返枝防曬底霜，佢有返SPF45/PA++++高規格嘅防曬保護，可以唔使額外再搽防曬霜。本身呢排食得太多油膩嘢，啲肌膚有啲暗啞同出暗瘡，但係上咗呢枝底霜有令到妝感水潤柔軟，皮膚比用之前透亮： Before (搽咗balm之後未上底霜，生咗粒暗瘡係眼上面🥲） 膚色比較暗沉，毛孔明顯 After (上底霜後） 膚色明顯比較提亮，暗瘡柔化咗，柔焦毛孔 及後上粉底同化妝：  暗瘡即時冇咁明顯，底妝係呢啲咁乾燥嘅天氣但都仍然比較水潤同膚色有自然光澤，而且基本上都夠持久，唔易脫妝，所以都唔錯值得推薦！

Hamiii好用推薦：韓國入手既48號色😍 好顯白既一款甲油❤️ 只搽一層就已經足夠顯色，亦遮晒白邊🫶🏻🫶🏻 呢隻色下次去一定再入手🫶🏻🫶🏻🫶🏻

Giselle 好用推薦：Innisfree 顯色指甲油 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 之前係大陸嗰陣買嚟用，用完真係幾失望(›´A`‹ )首先係佢陣味真係超級無敵臭(⌯︎˃̶᷄ᗝ˂̶̥᷅⌯︎)佢嗰種程度係一扭開蓋就已經聞到陣超濃郁屋內裝修油漆甲醛味，唔講我仲以為我開到係油漆而唔係指甲油( ･᷄-･᷅ )第二係佢好難沾取(꒦ິ⌑︎꒦ີ)因為我買嘅呢隻係透明帶閃片款式，但每次拎佢嘅掃只可以沾取到1-2塊嘅閃片+超多透明甲油(◞︎‸◟︎；)勁多嘅閃片係痴係樽身嘅底部完全拎唔到(இдஇ; )就算搽咗上甲面嘅閃片都好快就會甩咗(๑•ૅㅁ•๑)帶閃片嘅甲油一律唔建議入手(っ◞︎‸◟︎c)

Circlecyy20好用推薦：都真係啞色調 唔會有閃粉 所以我用黎都係做打底色 不過持妝力就差咁dd

agnessstang好用推薦：有好多顏色選擇 可以自己組合成彩妝盤 做眼影同胭脂都得 彩度高 用嘅時候要輕手啲 持色度ok

Lesleyy好用推薦：Bobbi Brown Intensive Skin Serum Cushion Foundation SPF 40 PA ++++ 色號：Porcelain 香港專門店售價：$475 如果有留意Bobbi Brown嘅都會聽過蟲草粉底 今次佢地出咗cushion版就即刻吸引到我 以養膚型粉底嚟講，價錢唔算太貴 蟲草粉底一向都係sell光澤感，cushion 版妝感再細緻啲，好透薄🥹 如果鍾意霧面粉底嘅朋友可能試吓配合控油碎粉，都可以做到霧面質感㗎！ 但鍾意Bobbi Brown 嘅水潤光澤感嘅我，就會用定妝噴霧，會有種令人覺得皮膚好好嘅錯覺🤪 講吓用後感先 粉底屬於中等遮瑕 可以build up 遮瑕度 我自己本身瑕疵唔算多，對我嚟講都幾夠 質感好水潤透薄，唔會有焗促嘅感覺 粉底好快就融入到皮膚上妝後： 粉底嘅滋潤度真係好好 比較容易卡粉同甩皮嘅位都控制得唔錯 唔會上極都上唔到粉 亦都唔會話大風少少就吹乾曬嘅皮膚 但滋潤型粉底嘅缺點就係控油力一般 我皮膚比較乾就好啲 上妝6個鐘左右先會有少少油光感 呢個時候上少少碎粉就可以補返個妝 出街補妝都好方便 產品壽命 今次為咗準確

Carmen好用推薦：平時我都好鍾意用Cushion化妝，夠快夠方便！ 每日返工邊有咁多時間慢慢化妝，用Cushion就岩晒😬😬 首先，Bobbi Brown呢個Cushion，外表包裝好靚，帶出街補妝一啲都唔失禮！ 佢嘅養膚成份對我呢啲每日都一定要化妝出街嘅人係非常之吸引。用上面係好保濕，除左鼻翼位置一定要做好打底，第一次用時，一上鼻位就乾乾地，其他位置冇問題。第二次用，做好鼻位置嘅保濕就冇問題啦。 遮瑕方面，我覺得都夠。手腕示範圖係薄薄上左2層嘅效果。最surprise 係就算戴口罩都唔太甩妝👍🏻👍🏻 好可惜嘅係，今次試用得到最最最白既色Porcelain。本身我都白皮膚，但呢隻色白得黎粉粉灰灰咁，唔岩色😥😥 整體黎講效果都唔錯，下次可能會回購，買返隻岩用嘅色🤭

Ednababe好用推薦：想買便宜嘅奶茶/豆沙色唇膏，便上網查吓，見到日本女仔推薦呢枝，就去cosme買嚟試。點知性格比真係高！顏色係我鍾意嘅，又顯色。夠滋潤，有光澤，我呢啲唇乾嘅人，唔用潤唇膏都ok! 推薦俾大家！

happy好用推薦：本人唇色比較淺，平時素顏出門口就會顯得沒什麼血色，而cezanne這支唇膏就幫我解決這個問題了，質地就像潤唇膏一樣滋潤，連打底都省了，顏色又很日常溫柔，和日系的妝容很搭，但日系唇膏都會有一個缺點，就是很容易掉，喝完水杯子上就會有唇膏印😂

Carmen好用推薦：好開心收到Cosme送出嘅試用裝❤️ 今次會試用Dior新出系列🥳🥳傲姿唇膏💄💄 一如以往Dior採用深藍色包裝，有種好高貴嘅感覺 今次收到2款不同訂制嘅唇膏， 包括係999號色嘅絲滑唇膏同埋720號色嘅啞緻唇膏💄 999號絲滑唇膏，產品同Dior所介紹嘅一模一樣。999號色屬於正中紅色，好顯色，超級順滑，完全唔會繃緊，亦都唔會黏笠。 皮膚偏黃嘅寶寶 用完之後立即會顯白❤️ 如果嘴唇偏乾，多唇部細紋，建議入手絲滑唇膏。佢會令你嘴唇保持滋潤同鎖水唔會咁容易出死皮。適合旅行同去party用。只需要帶一支唇膏就可以出街☺️ 720嘅啞緻唇膏，係屬於玫瑰豆沙色。比較適合秋冬嘅妝感，搽上咀會令個人即刻變得好溫柔，好適合拍拖同男朋友出街嗰陣用。會令到對方好想錫你😘😘 唇膏輕輕一搽就已經好顯色，雖然佢係matte 系列嘅唇膏，最重要係唔會令個咀顯得更加乾會保持到滋潤但又做到啞色嘅效果☺️☺️

auntiemuscle好用推薦：先多謝 @cosme 抽中左我試用 得到一支正貨裝同refill, 可以試到兩隻色 原來唇膏都有出refill,又為環保出一分力😀 Dior唇膏一直都冇機會試 因為覺得價格都貴 今次收到 772 Classic Matte 同refill 720 Icone Satin 兩隻都顯色度高 遮到原唇色 我冇用潤唇膏打底 一搽上咀質地都好柔滑 唔會kick住 啜着 同埋係好易搽 係跟著個唇型搽 唔會好易化開 唔會好難搽暈 好易控制 不過我都係鐘意用手/掃鬆返開個唇邊 自然啲 同埋一啲都唔乾！好貼咀 耐左都唔會繃緊好似有層野漿住個咀咁 亦都唔顯唇紋 同埋係都好持久 飲水唔係印走左  再講下分別兩隻色 一般matt色啞色唇膏都比較乾 但呢支一啲都唔乾 classic matt 就真係同名一樣classic 覺得係比教岩日常淡妝用既唇色 真係可能內眼線加睫毛 一用772就好夠精神有氣色 同埋佢個啞色係唔令身 又未去到啞色到乾果種 係粉粉地既深裸色 溫柔感重 同自己用開既nude色有啲唔同 另外720 satin icone 就絲滑妝效 水潤啲既質感同埋因為有啲光澤 係立體感重好多 個唇型立體

kka好用推薦：方便快捷，日常約會都可以用，用完之後隻眼睇落有神左，而且有放大雙眼既作用

Lumi Kwan好用推薦：佢嘅眼影大部份都係閃粉系列，閃粉比較粗粒，唔夠細緻，對我來講亦都太過誇張，有好幾次唔小心入咗眼，所以覺得質感麻麻。

auntiemuscle好用推薦：大推excel呢盒眼影 呢盒cx05(推出之前一路私心想買cx04因為鐘意綠色）同埋之前做左color test我係岩autumn啞我就試下呢個tone晚眼影😀 雖然佢價格比其他開架高少少 但絕對性價比高 眼影粉好滑 唔飛粉 想透薄啲就用掃上 想實啲顯色啲就用掃疊/印上去 同埋好多日系都透明感重 響我呢啲「小麥肌？」就唔係好顯色同埋冇妝感 佢左上第一格都唔會顯腫（當然唔好搽到上眼窩） 反而覺得有啲元氣 鐘意佢右上同左下格閃 有啲偏光 chrome 啡色果格佢係啞色有少少光 做眼線我嫌佢唔夠色 但疊眼線上面做過度色就好靚岩岩好 個啡係少少偏藕色 同埋！keep到全日冇溶！

nicolebuzz好用推薦：第一次買excel 的眼影，之前一直都用佢既眉筆，心頭愛🥰🥰 所以今次都試試佢既眼影，我買既係大路橙色tone CX05🧡🧡 一直都想買搽落變精神又不大濃厚既顏色，今次都揀左好耐，最後買咗橙色。 試用左之後，差不多每次出街都會用，真係好容易融入日常妝容🩵 初初以為黃色搽左眼皮會好腫，但係閃粉控制得好好，搽左反而精神左，而且唔會好厚重，所以完全冇眼腫問題，有時我都會單搽黃色加眼線，感覺立刻立體左💛💛 如果再混合其他顏色，細膩既珠光會越疊加越有高級既blingbling光澤感🤍 眼影粉質細滑、好暈染、易上手、不容易失敗又好搭的優點。難怪會話係開架最知名的眼影之一，真係絕對不誇張！ #秋冬愛用美妝 💜💜

Viannie好用推薦：性價比極高，百幾蚊就有16色，好適合初學者/學生/想試多種顏色嘅人入手。我選擇咗呢盒USP09 phoenix 入手，顏色偏向紅橙黃tone, 貪佢多色玩。顯色度唔錯，係粉質唔夠細緻，一次過拎太多會上色唔均勻，不過勝在多元化，一盒有齊啞色，柔和珠光同較粗粒閃粉嘅色都有，可以做多種變化係幾好嘅。

Rin好用推薦：呢盒大名鼎鼎嘅NYX 16格眼影，我覺得基本上係會化妝嘅人人手一盒 眼影呢係用得非常之慢嘅其中一樣產品咁但佢嘅配搭又非常之多，所以呢有陣時就會買到成屋都係眼影 我覺得佢幾好用，係因為佢可以慢慢疊色，就唔會驚一下帶咗上去，然後就一達喺度 都有啲人話佢顯色度好高嘅，但係我覺得佢顯色度未算話好高，因為有一啲真係一上去你就救唔返 而且佢嘅飽和度較低，唔會突然之間好sharp 適合大部份嘅皮膚 可以做到好多唔同嘅妝效到適合一年四季用嘅

babybear_好用推薦：我的肌膚狀況 : 沙漠乾肌 + 敏感肌 眼下乾紋嚴重，眼下/臉頰/額中央/鼻頭不時有脫皮，臉頰泛紅，淚溝嚴重 來試用GA的 設計師光感修護粉底液 SPF 15 / PA+++ 色號 1.5 先貼Before & After 照 (全部iPhone 13 Pro 後鏡) : 今天皮膚狀況是地獄級，因為天氣太冷，我的臉大爆脫皮，也因為太冷也沒完全不想敷mask 加上今天試妝沒特別出街，也沒特別做妝前保濕🤣 來個脫皮部分的Before & After : 上妝後沒有突顯脫皮，正常照鏡覺得OK，我給過👌🏻 暗沉對比 : 覺得在臉上暗沉沒這麼嚴重，而且1.5號我用太白了，暗沉了還是白🤣 試用報告(5分滿分) : 保濕度 : 5/5 持妝度 : 3.5/5 遮瑕度 : 3/5 個人感想 : 保濕度非常滿意，眼下也沒有卡粉/積線，今天帶妝8個半鐘也沒有蹦緊的感覺，而且光澤超喜歡! 一直到晚上都keep住個光澤，是那種晚上做完保養皮膚好靚透光那種! 遮瑕中輕度，遮泛紅ok，其他需疊遮瑕膏。 持妝一般，正常保濕精華粉底通病，唇上+下巴有浮粉，用手可以推返好，不過毛孔部分依然遮

wingche好用推薦：化妝品我最重視就係粉底液，唔係日日full makeup嘅我，但防曬、粉底、碎粉係每日指定動作。 幾年前有用過Armani 另一系列嘅POWER FABRIC粉底液，都覺得遮瑕度頗高，係我最愛用嘅粉底嘅頭3位。 今次可以試用佢嘅設計師光感修護粉底液就啱曬！ 因為前陣子做完呢laser，皮膚好多時剛到上唔到粉底液。一拆開已經見到佢喺我至愛嘅泵妝，唔怕整污糟手。泵出嚟係好流質，所以好易印開上面。輕易上一層已經聽到面上嘅紅印同粗大毛孔、甚至凹凸洞。上妝後皮膚亮澤咗一度咁，但又唔會滿面油光咁。 就算返咗全日工，上埋Yoga，啲妝都仲keep到，最緊要個妝容冇變灰，仲有光澤感，個人望落到精神啲！ 令我用咗一星期已經心動想回購，若然要諗佢缺點，夾硬搵個美中不足就防曬度只有SPF 15 ，但我相信大家戶外活動都一定會再補防曬！ 如果你同我一樣，秋冬容易塊面好乾上唔到妝，極力推薦你買佢呢支粉底液返去試！包你愛上！ 化妝前化妝後一天工作+yoga 後妝容