香味持久 推薦好用產品

lingbb好用推薦： - 花香花木型香水，花香淡雅清新，前調濃郁的黃香李與主調甜蜜的小蒼蘭香氣醇厚融和，橡苔沉穩舒緩，打造溫柔的氛圍。 - 個人感覺係一種有距離感嘅格調，係酒吧會容易聞到嘅香味，但我又幾鐘意。有格調得黎有點甜絲絲嘅感覺，對我黎講係一款比較新鮮嘅香氛

Sarah好用推薦：Chloe Nomade荔枝和小蒼蘭好有甜美活力，加入了橡苔元素，香氣自然，有陽光感。

bibubibu好用推薦：呢支sakura香水係屬於dior privee系列 係比較high end嘅系列 唔同一般designer brand commercial line嘅香水 所以味道亦比較特別 唔會咁容易搵到複製品 雖然呢一支香水叫Sakura 但當時聽S A介紹話櫻花嘅味道其實非常之清淡 呢一支香水之所以叫sakura 係因為佢嘅味道會令人聯想起置身於日本嘅粉紅櫻花花海之中 佢雖然係花香味嘅香水 但佢嘅味道屬於清香 唔會太濃郁 比到人好溫柔優雅嘅感覺 就好似留住長髮着住長裙嘅女仔咁 無論冬天定夏天都咁啱用 佢嘅持香時間都幾長 基本上都唔需要補

keinice好用推薦：香味選擇多，而且味道選擇較特別，香味持久。

Giselle 好用推薦：Jo Malone 黑莓子與月桂葉古龍水 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 呢支係令我有少少懷疑自己係唔係嗅覺出咗問題嘅香水😂唔知點解我好似聞到一種汗味+少少動物嘅尿騷味嘅味道🥹有啲似一個啱啱做完好劇烈運動出晒大汗嘅人唔知點解會hi到貓貓狗狗嘅尿然後身上飄出嚟嘅氣味🫠對我嚟講我真係唔get佢嘅味道🫠🥹唔建議小夥伴blind buy呢支香水，一定要去專櫃試香幾個鐘確保試清楚前中後調之後先再入手哦😉

維他他好用推薦：朋友送的香水，黑莓+月桂葉，其實唔係好聞到黑莓同肉桂嘅味，不是甜/清新嘅香水，係木調的，香味唔識形容，ok的唔難聞，但又唔可以話係好香好吸引。香水呢家野真係見仁見智，呢支間唔中會用下嘅  Jomalone 黎講最愛都係鼠尾草香水😆

iliya 好用推薦：玫瑰的香氣淡淡地飄出 適合日常飯局或上班使用 Cp值高 值得向親朋好友推薦

HE1DY好用推薦：濃郁馥香的玫瑰味，像玫瑰香沁人沁脾。隨時間亦慢慢散發著淡淡的玫瑰香溢。寶格麗的香水，系包裝與設計亦都盡顯瑰麗感，十分有皇室香水的感覺。

Noel好用推薦：這枝 Yellow Dream 香水，味道清新怡人，花香及果香味很淡，個人感覺像沖完涼很醒神的狀態，由於帶點🍋香，不會很少女。

choichoi好用推薦：好像柑橘果園大爆發一樣。。。濃郁且帶微甜感，充滿整體令人振奮又適合炎夏的檸檬香，又不失女人味

unclecar好用推薦：呢款👨🏻男士淡香水係個人好鍾意👍🏻👍🏻👍🏻嘅一款，已經用咗好多年超過十樽。佢比人一種穩重而親和力比較高嘅感覺，好少同人撞。身邊嘅朋友同事都成日都話好香走近聞多幾下😂😂，要買比另一半。雖然係淡香水，但其實香味好持久，全日都仲會聞到，全年都適合使用。十分推薦比年齡相近嘅男士使用💁🏻‍♂️

balabababa好用推薦：香味淡雅清新，噴多左都唔會變得嗆鼻，香味持久可以維持一天。

Karman28好用推薦：係法國旅行果陣買，估唔到感想咁少。呢支真心好鐘意既花香香水，好溫柔既花香味。同埋我覺得係有辦識度，唔易撞香。買果陣特登揀左edp,而唔係edt,long lasting 好多。

Kathy好用推薦：Kenzie signature 嘅香水，罌粟花味 好香甜，但唔俗 有少女感 真係香水如其名 Flower in the air 香味都算持久，可以last 一日 鐘意花味嘅可以入手

inkitsung好用推薦：吊鐘造型復古又靚，比起佢其他系列吸引好多~ 而味道上都好多選擇，但全部都係獨特啲留香都比較持久~ 其中Daim Blond 呢款一噴我就已經知係我嘅味道~ 我本身好鍾意皮革味嘅香水，呢款更加係皮革上混合上花香~ 唔會單純只有皮味，花嘅味道都會好突出~ 一開始會有種好暖洋熾熱嘅感覺, 後續味道就會柔順柔和得多~

JuneL好用推薦：我用過好多款香水，但呢款我特別寵愛，這款香水的氣味香甜，香氣持久，香味唔會過濃，不會令人有刺鼻感。 它外表雖平平無奇，但它的香氣確有一種一聞就被吸引的吸引力，令人有一股衝動好想知係咩而走上前去追問嘅感覺，我也是被吸引而愛上，是不能被取代的。 對於約會中女性，身上散發著一股吸引力香氣，確實會加分。 #精緻香氛女孩

mandy好用推薦：Tory Burch Sublime Rose EDP $700/ 50ml; $990/ 90ml 前調: 玫瑰水和 黑加倫子 中調: 玫瑰 和小蒼蘭 基調: 廣藿香和 Dreamwood (木調) Sublime Rose EDP 以玫瑰花香作主軸， 再混和清新的黑加倫子香味及溫暖的木調， 呈現出陣陣幽香的非主流玫瑰調香水。 平日我並不太喜歡用帶木調的香水， 但卻十分喜歡Sublime Rose EDP的迷人香味。 持久度不錯，可維持數小時。 Sublime Rose EDP的香味特別清新怡人， 令人感到很寧靜優雅，是一種十分舒服低調的香味，可以展現親和感，給人親切可人的印象。 因此，推介在社交場合或是有機會認識新朋友時使用。 不過這款香水相當好聞，用過可能會想天天使用也不一定呢!

lingbb好用推薦：- tory burch呢個系列出咗5款香水，Sublime Rose 以經典的玫瑰、黑加侖子及溫暖的木香基調，表達充滿愛的一刻。 - 呢幾個味混埋一齊都係屬於比較大眾口味，鐘意玫瑰應該都會喜歡，木基調嘅香水通常都比較沉實啲唔會好攻鼻，係偏舒服嘅玫瑰味。 - 覺得佢係呢個系列變相唔算好突出，如果只係鐘意玫瑰味呢款都好推薦 - 呢個系列嘅香水都幾持久，係淡淡嘅味陪伴住你左右嘅感覺。 #火熱新品

A&R好用推薦：Bvlgari Aqva Amara 淡香水，購入已久，話係男士香水，但其實女士都啱用。 有我鐘意呢清新的柑橘味，但聞深入啲又有橙花味，再隔一陣又有木香味。🥰好鐘意 味道超持久，我覺得呢款都幾中性，又好性感神秘，唔係太適合甜美可愛類嗰啲，但係噴左之後又好似特別吸引到男性😆 長期必備之選。

Kura好用推薦：呢款香水嘅包裝簡潔大方，味道中性斯文，適合工作見客嘅時候噴，味道持久，唔係好庸俗嘅味道，但價錢偏貴，不過都算耐用，年齡偏成熟嘅味道，味道一年四季都適合噴 @cosme

Giselle 好用推薦：Coach Will Rose EDP香水 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 前排心思思想買香水所以係專櫃上見到就試噴咗🙈但好可惜呢款唔係我鍾意嘅香味🫠雖然佢嗰名係話‘野玫瑰‘，但聞落整體上陣水果味濃過陣玫瑰味😂如果唔話俾我聽呢隻香水嗰名叫’wild rose‘ 我應該純粹當佢係一款水果香+花香味嘅香水😂如果係好鍾意玫瑰味而且幻想佢係會帶嚟好濃玫瑰味香水而入手咗嘅小夥伴絕對會失望🥹呢款香水因為可能比較重水果香而且調香用咗氣味偏甜嘅水果同花 （eg：茉莉，紅醋栗）所以氣味會偏girly同好香甜😂鍾意girly啲又唔太介意呢款嘅玫瑰味有啲貨不對辦嘅小夥伴可以留意下哦😉

Karman28好用推薦：見sasa有細細支香水，個樽幾靚就買左。佢係花果香調，個人唔算好鐘意。

lingbb好用推薦：非常濃郁嘅桃味，聞完會好想食桃😂 成份有701 Apple、703 Peach、201 Sandalwood sandalwood係有木調令成個氣味沉實啲 但都唔會遮蓋濃郁桃味，好適合夏日熱情如火嘅你

iliya 好用推薦：呢款淡香精嘅成份有701 Apple、703 Peach、201 Sandalwood，所以除咗有濃郁嘅桃味之外，仲帶有清爽嘅蘋果果香味以及木調中和，非常好聞！

lonia好用推薦：最近試用narciso rodriguez all of me intense淡香精體驗裝，有機會試吓呢款新香水。本身都幾鐘意呢個牌子嘅香水，香味唔係行強烈路線，但聞落一啲都唔單薄同時會覺得幾舒服，帶優雅嘅感覺。個人本身唔係好鐘意玫瑰味嘅香水，所以介紹話主調係玫瑰嘅時候，都有少少卻步。但噴落手腕之後發現又ok喎，前調消散之後，就係narciso rodriguez好signature嘅氣味，帶啲甜美偏花香嘅香氣。至於噴完一次之後，持香大概3-4個鐘左右啦，整體感覺都唔錯。 #火熱新品

Karman28好用推薦：之後試過all of me,感覺唔係自己鐘意的香氣。但今次出的all of me intense,一聞就覺得好鐘意,係一般人都好容易接受的花香味。 #火熱新品

Noel好用推薦：個人大愛 TF 香水，香味細緻，淡雅，很有高級感！手上這枝 Fleur De Portofino EDP 地中海花園香水 ，清新花香帶點水果甜味，還有小小蜜糖味道，很適合春天使用❣雖然官網話係中性香水，但這個花香味重，比較女士適用呢！ Private Blend Collection Unisex; Suitable for men and women Since 2015

Giselle 好用推薦：Tom Ford beauty FLEUR DE PORTOFINO *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 之前去專櫃試NEROLI PORTOFINO順便試埋呢款香水🙈同同系列嘅Neroli 一樣，一噴出嚟都係一股好清爽同甜甜地嘅檸檬柑橘類香味🙈中調就會係一股帶有綠意調嘅紫羅蘭香味慢慢被後調嘅帶有蜂蜜味嘅洋楏花香所取代❤️我會覺得同Neroli強調清新帶皂感嘅橙花油香味唔同，呢款會比較著重係花香嘅甜味🙈雖然未至於會有脂粉感，但會比Neroli略為更女性化🤔所以唔太鍾意女性化香水嘅小夥伴要留意下哦😉 同其他tom ford 香水一樣持香同擴香嘅能力絕對係8個鐘以上無問題😉

Jane1111好用推薦：呢隻香水勁似爽身粉味加埋持香度勁耐，因此十分推薦～so far未搵到一隻香水可以超越呢隻ge位置

FW好用推薦：呢支香水响2008年推出。記得當年見到個包裝，全粉紅色，非常女性化。 佢淡淡嘅甜味，非常甜美嘅氛圍，香味好溫和，好含蓄❤️仲有淡淡嘅果味。 喜歡嘅香味，應該係隨着心情而改變。我一直都喜愛Lanvin嘅皮具同香水。12年之後，我再度愛上呢支香水，佢嘅氣味會令我放鬆❤️ 香　　調 ：花果清新調 前　　味 ：黑莓、覆盆子、西洋梨 中　　味 ：白蒼蘭、覆盆子、牡丹花 後　　味 : 龍涎香、檀木香、麝香

choichoi好用推薦：入門香 , 辨認度高 , 少女心氾濫者適用 , 小蒼蘭當中的檸檬香尤其突出, 造就給人很好相處的感覺

Fng好用推薦：Lush💝 honey I washed the kids 蠟燭充滿濃鬱焦糖和蜜糖香味，甜甜的，就算打開蓋，唔燃點佢，都令室內充滿香味。🥰蠟燭基底用椰子油，成份天然，用得更安心， 另外，欣賞佢用可回收金屬罐💚，去代替傳統香薰蠟燭嘅玻璃罐，環保考量角度，加分不少👍🏻🫶! #火熱新品

Kura好用推薦：呢隻味係我最鍾意嘅味道之一，我係好鍾意香甜開味道，好似食蛋糕咁開心，噴咗呢隻味就好似甜美嘅少女一樣，俾人一種嘅sweet嘅感覺，會令人上癮噴，真係值得一試嘅享受 @cosme