劉肥貓好用推薦：氣味清新，容易起泡 容易購買清潔力強 過水即爽適合偏油嘅頭髮使用

Nicole 好用推薦：淡淡的花果清香，弱酸配方洗感好又溫和，起泡很容易，泡沫也比較豐富。吹乾後頭髮變得蓬鬆，摸起來又順滑又清爽。

Hamiii好用推薦：呢支野真係幾r頭😵‍💫 磨砂幾幼細，效果亦唔錯 但隻味唔知發生左咩事😵‍💫 一大陣膠味🤢 唔會再入啦

chymiaaa好用推薦：查完嗰陣有啲味道 好臭 接受唔到 加上效果亦都唔太明顯 價錢又偏貴 嚟緊應該唔會再買

mandy好用推薦：Clarins Bust Beauty Extra-Lift Gel 健胸提升啫喱 $620 / 50ml 此sample為Clarins Advent Calendar 2024其中一天的產品，只需$600就可一次試用24款Clarins的護膚及身體產品。 啫喱狀健胸提升啫喱質地水潤，非常好吸收， 稍加按摩後就變得清爽，完全不油膩， 按摩後可即時穿上衣服。 成分方面，主要為保濕成分、抗衰老成分、鎮靜消炎成分及抗氧化成分。 不要少看這瓶健胸提升啫喱，使用幾次後，已感覺到有拉提挺胸的作用。惟價格真的是非一般的貴婦價，實在較難長期使用。 含保濕成分: 甘油, 戊二醇, 丁二醇, 維生素原B5, Chrysophyllum Cainito Fruit Extract, 磷脂質, 葵花籽油 及 醋酸鹽維他命E 抗衰老成分: 甘油, 積雪草苷, 葵花籽油 及 醋酸鹽維他命E 控油成分: 麥芽糊精 鎮靜消炎成分: 維生素原B5, 積雪草苷, 葵花籽油 及 醋酸鹽維他命E 抗氧化成分: 積雪草苷, 磷脂質, 葵花籽油 及 醋酸鹽維他命E

Lumi Kwan好用推薦：雖然我拎住嘅係旅行裝，但我本身已經買咗超過六支，通常都係SOGO thankful week，連豐胸乳霜一齊買，所以會有好多旅行裝試用品。 之前Work from Home，冇留意自己成日喺屋企冇帶bra, 發現有胸部下垂問題，之後keep住用呢個產品確實係有改善，所以一直都有同豐胸乳霜一齊用，呢個啫喱我就日抖用，佢都好易吸收大約1分鐘就完全吸收晒，所以換衫時查，朝早用到唔會怕阻到返工時間。

lingbb好用推薦：- 欣賞佢向左鎖死向右即用既設計 - 噴果下係冰涼，後續就無咗呢個感覺 - 淡淡既茉莉花香，非常清新，後續個味都仲聞到 - 聲稱48 小時止汗功能，但未做到，反而腋下比起無噴乾爽好多 - 無敏感、無酒精成份 - 推薦比身體因出汗易黏笠既你👍🏻 

KDing好用推薦：香味幾舒服 出汗之後都唔會混到好臭 不過岩岩搽完要俾少少時間佢乾

Blueblueblue好用推薦：產品原材料係取自社區公平交易。 磨砂可以温和去取皮膚嘅老角質，用完滑好多，味道不怎麼好...

Circlecyy20好用推薦：略續砂粒較粗糙 單用在肌膚的磨擦感會較明顯 我多數會拌淋浴露使用

Heychauchau 好用推薦：以性價比來說，的確是不錯的護髮素，一瓶可以用很長的時間，也不會有難聞的香精味，聞起來有淡淡的清香，有修護髮質的效果，讓後續吹頭髮時能增強保護。

agnessstang好用推薦：Moist Diane除咗Miracle you之外 其他系列嘅洗髮露同護髮素我都用過 呢幾年都係keep住用呢個brand 其實所有系列用落嘅質地同感覺都係差唔多 我自己髮質偏乾同毛燥 漂染過好多次💇🏻‍♀️ 髮量多+甩得多🤣 🖤黑色 深層修護 ➡️ 咁多款入面最潤 keep住用啲頭髮望落有smooth咗 🤍白色 滋潤亮澤️️ ➡️ 冇明顯覺得頭髮有光澤咗 用落同深層修護差唔多 但深層會再潤多少少 我自己使用率最高係呢款 🧡橙啡色 順直柔滑 ➡️ 冇撫平毛燥效果 唯一我冇再回購嘅系列 其他系列都有keep住交替使用 🩵藍綠色 清新水感 ➡️ 洗完明顯感受到比其他系列乾 比較適合夏天/油頭使用☀️ ❤️酒紅色 防脫髮 ➡️ 冇明顯感受到甩少咗頭髮 但夠潤 💙深藍色 夜間修護 ➡️ 近期新出嘅系列 修護感比深層修護高

SUM好用推薦：感謝@Cosme 讓我有機會體驗Scalp-D 「豐盈藥用防脫洗髮露」和「滋潤藥用防脫洗髮露｣。因為最近幾個月出見脱發問題，只要一梳頭就有幾十條頭髮脱落，洗頭嘅時候更加嚴重，每次都會甩好多頭髮，今次係第一次試用防脱髮嘅洗發產品。 試用一個月呢過程，防脱髮效果不算太顯著，不過洗髮水和護髮素的香味、質地和順滑效果不錯，令人想繼續使用，洗完頭也有蓬鬆感和柔順感。長期使用下竟然在洗頭時發覺脱髮情況大減，每次只有數條，而乾髮梳頭時更加只有2、3條脱落。另外，係頭頂好明顯睇得出之前脱落嘅頭髮已經生返出黎，睇得出防脱和活髮效果顯著。 產品容量不算太大，只有350mL，大約比平時用開嘅洗頭水細一半，不過好彩每次只需用一pump便夠，泡沫足夠，所以使用了一個月後洗髮水仍有半枝，而護髮素更有大半枝！其中一枝瓶身有凸紋，即使合埋眼洗頭都可以分辨到邊枝係洗頭水或護髮素。 最後，雖然價格不算便宜，但如果有脱髮問題而又想短期也善的話，我會很推薦這個洗髮產品！

lkylky3003好用推薦：唔知道大家對洗髮露要求係咩？ 作為細柔頭髮用家之一，除咗要求洗髮露可以潔淨乾爽外，對於可唔可以減少脫髮，都係我對洗髮露嘅要求之一。 香港人生活壓力大，情緒緊繃。容易導致男性荷爾蒙增加，女性荷爾蒙減少，引起脫髮問題。 呢款SCALP-D保濕潤澤藥用防脫洗髮露專門就係針對女士荷爾蒙脫髮而設計。 佢有育毛、健髮成份，可以促進頭皮同毛囊膠原蛋白代謝，強健髮根。仲添加咗銀耳多醣，可以深層補濕同鎖住水份。 呢枝洗髮露味道係淡淡的玫瑰花味，唔會太濃，一路聞一路護髮真係好relax 佢吱出嚟容易起出綿密豐盈嘅泡泡，清潔每一根髮絲，但清潔又唔會太強，令頭皮髮絲變得乾燥痕癢。 另外佢嘅潔淨效果都last 得耐，返咗一整日工，頭髮都Keep 到乾爽唔扁塌。 我有搭配埋同系列嘅保濕潤澤藥用防脫護髮膜，用後髮絲可變得更加水潤保濕，梳時變得柔順冇咁容易打結。 用咗一段時間，我對呢枝洗髮乳係滿意，因為頭髮真係強韌咗，梳頭時冇咁多髮絲掉落

Blueblueblue好用推薦：好欣賞產品有支持公平貿易。 睇返官網介紹，原因樽係 100% 可回收的，可以再次重複使用，好環保！ 鐘意食芒果，所以買埋芒果cream!

Sarah好用推薦：自己本身好喜歡the body shop 芒果系列的香甜味，非常清爽，而且好滋潤，推薦！

lingbb好用推薦：- 聽講係特別版，身體乳質地清爽不黏笠，延展性好推，非常快吸收，有一定滋潤感但唔算超潤。冬天或非常乾燥時就未必夠潤。 - 香味係比較果香，幾清新，感覺幾夏日。 - 我個人幾鐘意前調既梨香。 味道：前調：檸檬、青梨、佛手柑/中調：梨、蘋果、小蒼蘭/基調：麝香 - 推薦大家去專櫃感受一下！

iliya 好用推薦：Sabon嘅野洋梨silky body milk比一般嘅body lotion稀，比較適合夏天使用。而野洋梨嘅味道係甜甜嘅果香味，俾人一種活潑嘅感覺！

lingbb好用推薦：- 蘊含杏仁殼粒子 能溫和地去除肌膚表面的死皮及角質 展現柔滑肌膚 - 粒子唔會好大粒好吉，質感會好似啲沙咁，使用時輕輕打圈，都唔會不適同乾燥 - 香味清清地，同shower cream相似，如果你鐘意淡味既應該會幾鐘意 - 過水後皮膚滑溜，配合佢地既body cream，更滋潤 - 如果擔心磨砂粒子會傷皮膚，呢款你可以放心使用 - 有好多味選擇，呢個系列都係純素， 推介俾乾性及敏感肌膚、素食主義既你 #英國純素協會認證 #冬季保養

Blueblueblue好用推薦：產品原材料係取自社區公平交易。 磨砂可以温和去取皮膚嘅老角質，磨砂粒子細，用完滑好多，唔痛。