感謝coseme 邀請試用！ 今次試用的產品為滑溜毛孔去角質粉（毛孔打磨粉） 平時我間中都有用吓面部去角質產品，例如磨砂洗面膏。不過始終洗面膏既粒子有d 粗糙，有時都驚用太多會太刺激皮膚 今次benefit 去角質粉，完全解決左我既擔憂～ 因為佢係由3款不同的粉末組成，大大減低傳統磨砂膏既刺激感，溫和舒適 夏天皮膚更容易產生更多油脂分泌，定期去角質係護膚必要程序! 持續使用，毛孔會愈見細緻～ 而且粉狀產品容易保存，唔使怕買一大支洗面膏返黎有排都用唔完～ 真心推介比大家！

非常感謝cosme 邀請試用😊 今次體驗的產品為毛孔水份導入精華（爆水泡泡珠）聽個名就知，係主打保濕既精華 我今次試用左三星期，先睇吓上手質感～質感係水狀，十分適合夏天使用，易推推開後感覺輕薄，保濕感強🤩 隻手即時變左兩節色😯 用完之後肌膚變得好柔軟，摸落感覺好好，毛孔細緻咗，令往後上面霜做好準備，更易吸收！ 黎緊夏天又潮濕又要成日出入冷氣房，做好保濕真係好緊要。想保濕得黎又怕傳統精華黏稠，一定要用 呢支爆水珠珠！

上年在台灣網上一買買了三瓶來用， 質地有點杰但唔塗上後好易推開， 但不會好立，用到一個會， 都ok 保濕，但那時每次都要買三瓶， 後來就沒買了。

多謝@cosme 抽中我試用 Laura Mercier 柔光透明蜜粉粉質十分幼細。 再配合埋佢嘅極緻潤澤養膚底霜、控油底霜持妝效果十分好～上圖係我朝早10點上完妝，到夜晚9點幾返到屋企妝容依然完整。係一款我覺得唔錯嘅蜜粉，同埋容量好多，性價比好高。

Benefit新出嘅緊緻毛孔睡眠面膜整體唔錯。 試用咗一段日子，感覺皮膚有光滑，摸落去少咗啲因為毛孔閉塞而引起嘅凹凹凸凸。呢隻面膜含溫和酸類，可以調理角質，同時都做到睡眠面膜基本要求——保濕。起身洗面之後會見到皮膚光滑滋潤，對毛孔經常堆積油脂嘅朋友十分見效。收細毛孔方面，效果唔太顯著，要再用多一段時間先睇得出。始終要收細一直都咁大嘅毛孔唔係一朝一夕嘅事呢。 面膜質地透薄，易推好吸收又唔會太滑溜，唔洗怕停留唔係係塊面到。夜晚瞓覺都唔怕會整污糟枕頭啊痴頭髮個啲，十分抵讚。味道冇乜特別，唔會有平時酸類都有嘅刺激氣味。 始終係酸類產品，都係有一定刺激性。我一直有用開酸嚟護理皮膚，覺得呢款產品都適合初試用酸嘅朋友，佢唔會好拮好拮（除非有傷口）。不過一定一定要先做好保濕，同日唔可以用其他酸類產品。 緊緻毛孔係長期抗戰，呢個睡眠面膜我推薦，自己都會回購～

多謝@cosme 抽中我試用 Laura Mercier 極緻潤澤養膚底霜～今次試用非常適合中性肌嘅我。 Laura Mercier 極緻潤澤養膚底霜成分添加法國礦泉水及甘油，質地水潤易推開～而且唔粘笠，而且仲好保濕，上完底妝皮膚光澤水潤提亮，用埋佢個控油底霜，毛孔修飾不少，係一款我會推介俾朋友購買嘅產品。

一打開包裝非常驚喜，除咗樽身設計美觀之外，由外面已經見到成支精華都係爆水珠珠，非常壯觀！ 佢嘅質地呈啫喱水狀，好易推，而且容易吸收，完全吸收後，肌膚摸落好似飲飽水咁，做到即時補水嘅效果，但又做到毫無黏笠感，我試用嘅季節仲要係香港一年四季中最潮濕嘅春天。 化妝前用佢，解決到我額頭甩皮嘅問題，令妝容貼服咗，無咗浮粉問題。 持續用3星期後，摸落明顯滑咗，皮膚長期好似飲飽水咁！ 唯一缺點：有啲難倒出嚟，不過都唔會影響我回購，因為整體上非常滿意！

感謝@cosme的邀請！ 面膜質地係黃色啫喱狀，第一次使用我只係搽係T字位毛孔粗大嘅區域，第二次先全面搽，俾皮膚有適應嘅時間。 搽咗喺面上面等30分鐘皮膚吸收晒之後，面膜會形成一塊保護膜，好似一層薄薄嘅保鮮紙，摸落去唔黏笠，唔驚黐住枕頭同埋頭髮，呢方面我覺得做得非常好，以前唔鍾意用睡眠面膜就係覺得黐黐笠笠會黐住枕頭上面嘅污糟嘢。 第二朝起身保鮮膜仲喺度，平時起身T字位點都會有啲面油，當日係一啲油都冇，好乾爽。用清水洗走後feel到皮膚滑咗，仲自帶光澤感！ 連續使用3次後皮膚真係柔嫩緊緻咗，另外就係水油平衡咗，T字位少咗出油，唔知係面膜嘅效果定Benefit支爆水精華嘅效果（因為我同時使用），同埋每次用完睡眠面膜瞓醒塊面都好有光澤感！！

感謝@cosme的邀請。 磨砂粉質地超幼細，我倒係手掌到加少少水磋，好快就變成泡泡，過水後神奇嘅事就發生咗，佢有即時嘅去黃效果，過完水成塊面好似發緊光咁lol 我係混合性敏感肌，用後同用嘅過程都唔覺得刺激。 聽到去角質產品大家都一定係諗起有啲硬粒去磨你嘅皮膚， Benefit呢支去角質粉真係顛覆咗我對去角質，除咗粉末質地幼細，去角質方法溫和，同埋可以因應水嘅份量去調配磨砂強度外，佢仲可以加到洗面產品混合用！！ 我一星期用兩次，用了兩星期後覺得最明顯係去暗啞功能，其次係去角質效果，用後肌膚摸落冇咁粗糙，最後先係毛孔細緻度，只有輕微緊緻毛孔效果。

性價比極高！有時見特價都會買多盒~ 可能因為我本身頭髮比較粗糙同埋之前又無好好打理，頭髮成日開叉 用咗佢一排頭髮真係順滑咗，佢質地偏厚，我大概每個禮拜用3-4次