INNISFREE

天然能量面膜 - 綠茶

Thanks @cosme 俾機會我試用。 成日行街路過都覺得好吸引嘅 Innisfree天然能量面膜，含多款護膚需要俾大家選擇，今次終於有機會使用。
適逢最近成日都全天外出外宿，Innisfree天然能量面膜 - 綠茶提供嘅舒緩保濕功效，足夠日常護膚基本需要，仲可以每日使用真係好方便。
面膜本身有一浸淡淡嘅清香，一打開已經可以第一重放鬆先。精華滿滿滲透同黏附係溶解性纖維面膜紙上面，厚薄適中，重點係 我大餅面都非常貼合，唔會太細！！（好重要）唔洗自己拉扯就番眼口鼻 已經啱晒位，貼服於全塊面部皮膚上，唔易走位，幾滿意。
面膜精華濃度適中 唔會稀如水都唔杰，拎出黎嗰時唔會搞到一地都液體，幾好。 敏感乾肌嘅我好快大約8分鐘左右就吸收晒啲精華，依個時候就可以倒埋仲係面膜包入面多出嘅精華用埋佢 敷多陣。同另一款“積雪草”交替用咗6日，無敏感，好輕盈，日常日日敷都唔會令肌膚有負擔。不過本身想順便用埋導入按摩機加強保濕同吸入，就唔太夠力。相對比較適合用黎維持日常膚況、或戶外活動後緩解肌膚缺水泛紅。 轉天氣易有敏感狀況嘅話 我都覺得佢應該幾合適因為真係夠light，成份單純，敏感發炎要持續補水護養，唔可以過度用力護膚嘅時候黎講係一個唔錯嘅選擇。

不過秋冬乾燥日子就可能要自己再配合其他護膚品去加強補濕滋潤效果喇～～