INNISFREE

天然能量面膜 - 積雪草

Thanks @cosme 俾機會我試用。 成日行街路過都覺得好吸引嘅 Innisfree天然能量面膜，含多款護膚需要俾大家選擇，今次終於有機會使用。

適逢最近成日都全天外出，長時間曬太陽又吹風，仲要轉天氣開始乾燥，打風前後空氣又污糟塊面久唔久一到下晝就會好痕同出啲小粒粒，Innisfree天然能量面膜 - 積雪草提供嘅鎮淨舒緩保濕功效就好幫得上忙。

面膜本身有一浸淡淡嘅清香，好relax。精華滿滿滲透同黏附係溶解性纖維面膜紙上面，厚薄適中，重點係面大都啱用，一放上面裁切位同面膜大小就非常貼合，只需要按貼於肌膚就可以，唔易走位，幾滿意。
對比起綠茶款，積雪草面膜精華相對稀身少少，但唔會稀如水，幾好。 敏感乾肌嘅我好快大約8分鐘左右就吸收晒啲精華，依個時候就可以倒埋仲係面膜包入面多出嘅精華（都幾多 可以再搽滿面膜表層）用埋佢 敷多陣。
同綠茶交替用咗6日，無敏感，退紅唔錯，好輕盈，日常日日敷都唔會令肌膚有負擔。不過本身想順便用埋導入按摩機加強保濕同吸入，就唔太夠力。相對比較適合用黎維持日常膚況、或戶外活動後緩解肌膚缺水泛紅。 轉天氣易有敏感狀況嘅話 我都覺得佢應該幾合適因為真係夠light，成份單純，敏感發炎要持續補水護養，唔可以過度用力護膚嘅時候黎講係一個唔錯嘅選擇。

不過秋冬乾燥日子就可能要自己再配合其他護膚品去加強補濕滋潤效果喇～～