L'ORÉAL PARiS

昇華修護美髮油 多效修護 (乾旱髮質適用)

好高興抽中成為@Cosme HK L'OREAL PARiS 【昇華修護美髮油多效修護 (乾旱髮質適用)】嘅試用一員。
首先講下我嘅髮質，我屬於粗硬髮，每三個月會就去salon 染髮，每朝有用直髮夾嘅習慣(天生攣毛嘅關係，唔整理下出唔到門)，所以髮尾乾旱嘅情況嚴重，但係因為髮根易出油，所以我揀護髮產品會比較謹慎。
雖然產品上特別註明Extra rich，但質地流動性強，唔算油膩，容易被頭髮吸收。
使用方法:洗完頭吹到七到八成乾，梳順後搽上髮尾油後再吹到全乾，髮尾乾旱同開叉嘅情況即時得到改善。
同同價位嘅髮尾油作比較，L'OREAL PARiS呢款明顯修復能力較強，CP值高，我會回購！