COVERMARK

Silky Fit 啞緻柔霧粉底

收到 @cosme 送嘅答謝禮非常驚訝，竟然係貨裝 size 嘅 covermark 粉底，非常感謝！

去九龍灣攞嘅時候 ba 好細心咁幫我試上面揀啱我嘅色號，當時第一個感覺係好貼好薄。

用咗一排，覺得修餘毛孔效果幾好，薄薄上一至兩層就收到九成效果，好貼服唔會令到個人望落好厚粉，效果自然。

遮睱力就一般，上兩層會遮到八成左右，我自己本身鍾意自然淡妝覺得 ok。佢可以疊加，拍多少少會遮得好啲，基本上唔會令到個樣太厚粉。

冬天用我都冇覺得太乾嘅問題，持久力一般，lunch 後會補一補，都好方便。