IPSA

零瑕修飾遮瑕霜

Ipsa 遮瑕霜一盒有3隻色，可以根據自己所需而調色，用黎遮黑眼圈、暗瘡、紅印。我見好多人讚，話遮瑕度高，遮到黑眼圈，所以我買黎用希望可以遮到我對熊貓眼，但係完全不適合我乾肌⋯係伏⋯

首先，顏色選擇少，已經定了1盒內的3隻顏色，無其他色選擇，要用其他色遮瑕就要自己調色。

第二，我自己以為可以輕易調色，但原來自己調色好難，因為要在每一格色的遮瑕取份量再Mix, 唔知要取幾多份量先可以mix 到心目中想要的顏色，所以我都唯有用返原有顏色。但其中一隻色太白，唔啱我膚色，浪費了。

第三，對我乾肌黎講，好乾，尤其用係眼底時，遮瑕膏搽在眼底，我會用2隻色去遮黑眼圈，滋潤度不夠，所以好快就有卡粉的情況，眼底有一撻厚粉出現了，反而令到原本無咁明顯的乾紋變得更明顯，好失望

所以我試左幾次調色遮瑕及幾次原色遮瑕都係好唔理想後，我都放棄無用佢了。