shu uemura 植村秀

unlimited 無限輕透持妝粉底液

我買既系matte 674，整體使用感都好好。質地系偏稀，好易推得開，配美妝蛋上妝啱啱好。搽完上面感覺好輕透，唔會覺得焗住皮膚，用咗一排都冇爆瘡爆粒粒問題。我用既時候配埋同一個牌子既妝前乳，亦有用另外其他牌子既定妝噴霧，出完街大約七八個鐘之後，個妝都keep到大部分，就算有出油都唔系油光滿面既感覺，有啲似大家所講既奶油肌，感覺佢幾適合混油肌。所以佢系暫時我用過最long lasting既粉底液。除咗呢啲外，佢既包裝系唧嘴，頗衛生。
有少少缺點系遮瑕力唔算太高，但如果本身皮膚冇明顯痘印其實都冇問題。如果有既，可以配遮瑕膏就ok。