shu uemura 植村秀

unlimited 無限輕透持妝粉底液

我好落心機嘅心得～希望可以幫到想買嘅大家(*´∀`)~♥，見呢隻粉底液嘅好評排名都幾高，同啲人話夠透薄同持久，所以買左黎試～
。
好多粉底液都冇得揀咁多色但shu uemura有20幾隻色仲要係for亞洲膚色嘅色調，呢個表示wow好pro🤣～但同時太多色揀我都買錯左色，依家呢隻對我黎講有啲黃😭
。
講下質地先：擠左滴落手度試，粉底液流動性幾高，延展性幾好，佢係流質得黎又唔係好水個隻～而我習慣用化妝蛋上妝，上妝個陣質地幾易推開，但佢乾得好快，個人覺得隻粉底有少少乾～另外‼️如果有酒精敏感的話要留意👀呢隻粉底係含有酒精成份㗎！成份表第四位！！！妝感透薄程度，個人覺得都算ok有想像中好，幾輕透ლ(╹◡╹ლ)，有70分～！妝後皮膚係算幾舒服嘅～而妝感望落都唔太厚。但上完粉底後會有少少黐立，所以最好要用蜜粉定妝！
。
遮瑕度個人覺得有65分，都算唔錯～可以一層層叠上 ，但如果多瑕疵就建議一定要用埋遮瑕產品啦！(左邊上完粉底加蜜粉)vs(右邊冇擦任何野)
##影出嚟因燈光效果可能有色差！個實色係偏黃，但遮瑕嘅程度都應該ok可以對比到嘅！
。
有實測過乾燥熱天出完街又冇補妝情況之下，係有出油嘅，但出左啲油反而好似貼啲咁🤣而面部有啲位置同兩邊鼻翼位都有少少卡粉(´･_･`)。同埋都覺得有少少🤏🏻氧化後黃感( ´•̥̥̥ω•̥̥̥` )，不過遮瑕方面都算keep得ok，亦冇口罩痕，雖然啲粉都有甩落口罩，不過唔係好嚴重，同埋無話甩到一忽忽。
(個人膚況個日係面頰某1,2個位置乾，T字會出少少油)
。
但總括黎講出完十幾個鐘後皮膚都係舒服嘅，冇個隻好想快啲翻屋企落妝嘅感覺～
呢隻粉底好嘅地方真係妝感唔厚，好輕透。
持久度都算ok，但冇想像中咁好～(上網見啲人話好long lasting)，不過雖然有甩妝，但始終都算有keep到有個妝容感係度嘅～
。
但個人始終覺得呢隻粉底唔太啱我膚質(;´༎ຶД༎ຶ`)因為個人嘅膚質都幾唔穩定，而呢隻粉底擦完靚唔靚都幾睇個人膚況～