MAYBELLINE

FIT ME！反孔特霧粉底液

我自己係油肌敏感肌，學生，皮膚好易出油。
感謝@cosme 俾我試用新版嘅fit me 粉底~
收到嘅色號係103 110 112 試上面感覺112會比較接近皮膚嘅色同埋帶少少血色無咁瘡白。
質地非常易推，㩒一下個量係可以上曬成塊面仲有多，亦唔會上到一半乾咗。 我用手上都唔會一達達， 出嚟係霧面嘅唔會好假好明顯好似好濃妝咁。喺正常社交距離係望落皮膚好咗咁。
我唔太會日日化全妝出街，有時會粉底就完，佢控油能力都唔太差，遮瑕都有六七成，出咗去一日都無咩大問題。
不過妝感如果太近睇都係會睇到嘅，妝前保濕要做好啲，唔係會有粉感。
暗沉係有少少啦，以呢個價位係可以接受。