MAYBELLINE

FIT ME！反孔特霧粉底液

好幸運今次抽到Maybelline嘅試用❣️
之前已經有聽過maybelline fit me呢個系列喺開架品牌入面評價好好，今次終於有機會試下！

我自己係油肌+毛孔粗大，所以粉底一定揀返霧面同埋控油度高嘅。呢支粉底正正主打「反孔特霧」，啱晒我需要💘

入正題！今次我收到3隻色號，分別係109淺象牙白色，120自然柔白色，同埋125自然偏粉色。我自己比一般女仔黑少少，試晒三支之後120最啱我。

塊面最近比較敏感偏紅，生咗好多粒粒痘痘，所以都幾多 瑕疵要遮。今次用粉撲上妝，上完妝前乳就上粉底。認真有驚喜～只係上咗一層粉底泛紅同痘痘已經遮咗大部分，毛孔睇落都冇咁明顯。如果上兩層應該遮到9成，不過自己鍾意自然啲嘅妝感就只係上咗一層。

至於控油方面，自己習慣上完粉底一定會上埋碎粉，而家涼涼地+唔帶口罩嘅情況下出大半日街個妝都keep到8成，唔使補妝都可以！氧化嘅話，點都有少少，不過暗沉程度嚟講自己可以接受。如果帶住口罩，始終臉頰同鼻都會甩少少妝，可能要配合埋定妝噴霧+帶埋碎粉出街補妝用。

整體嚟講，自己幾滿意呢支粉底，修飾毛孔同控油度都唔錯，以開架品牌嚟講幾值得一試，性價比高❤️‍🔥