Dior

恆久貼肌柔霧粉底液

今次收到ge 產品係恆久貼肌柔霧款，用咗一星期覺得好驚喜，十分適合混油肌夏天使用。


佢嘅妝感係自然清透款，似係原生肌膚，遮瑕力有6-7成，膚色不均勻泛紅，少許斑點普通毛孔都遮到，但黑眼圈同深色痘印要另外用遮瑕膏。(上妝前後）


雖然佢係話柔霧款，但上面之後臉頰係有少少亮澤感，like！
質地係偏水潤，易推開，但同時都快乾，搽完唔落碎粉都唔會痴笠笠，用紙巾印都唔會甩色係紙巾上面。


持妝度亦十分滿意，朝早8點上妝，lunch 後鼻開始有油光，但用紙巾印完妝效仍然有，唔會甩到一撻撻，鼻翼都唔會積線，到收工後妝效都keep 到7成。(印油前後）
印油後紙巾只有少許粉底印走

試咗妝前用普通防曬/Dior 恆久貼肌底霜/bobbie brown 維他命營養底霜+普通防曬
持妝效果：bobbie brown維他命營養底霜 +普通防曬=Dior 恆久貼肌底霜>普通防曬
用Dior 恆久貼肌底霜或者bobbie brown維他命營養底霜 持妝到會更高，到下午鼻先會出油，收工都keep 到8成。

卸妝後皮膚唔會覺得有負擔，亦唔會出粒粒。