SOFINA

AUBE 立體塑顏胭脂

係日本旅行時係咁俾廣告狂洗腦，就忍唔住一口氣買哂3隻色，紅色，粉色同橘色，一盒胭脂包埋同色系高光同陰影，附帶胭脂掃比較闊身，可以一次過沾取4隻色，同埋都分咗兩截色嘅毛，白色對應高光同胭脂，黑色對應陰影，避免污染，一次過做晒打亮，胭脂同修容，營造小臉效果，三盒都好顯色，落手要輕，高光同胭脂都唔錯，粉質細緻，我通常單獨分開沾取高光同胭脂上臉，陰影就可以話係整個產品嘅敗筆，第一顯色度太高，第一下重左手就好難補救；第二顏色唔適合亞洲人膚色，除非係健康暖膚色會好一啲，冷膚色上完好假，一啲都唔自然，唔想浪費可以考慮上係髮際線，第三胭脂掃唔能夠因應臉型而調整高光胭脂同陰影位置，化完會好怪，分開上會比較好