NIVEA

深層潤膚露

首先多謝@cosme 抽中我再一次試用Nivea嘅產品，今次係深層潤膚露，啱晒最近開始乾燥嘅天氣👍🏻呢款潤膚露嘅成分有深層保濕精華、牛油果油同維他命E，令我對佢嘅保濕效果充滿期待。

使用時，潤膚露嘅質地非常輕盈，容易推開，吸收亦十分迅速。搽完之後皮膚立即感受到水潤嘅滋養💦但冇任何黏膩感。呢一點對於我呢種唔鍾意油膩產品嘅人嚟講，無疑係個大加分💯

另外，潤膚露散發住淡淡嘅自然香味，使用時會令人感到心情愉悅，完美咁為我嘅護膚程序增添咗一份享受😌

不過，唯一美中不足嘅係佢嘅保濕持久力似乎有啲令人失望。雖然啱啱 搽嘅時候感覺非常滋潤，但過咗幾個鐘之後，皮膚又會開始 覺得乾燥，需要再補 搽，我相信未必能夠應付 再凍再乾燥嘅天氣🍂

總括嚟講，Nivea呢支深層潤膚露喺質地同即時補濕效果上表現出色，但喺持久力方面稍嫌不足。如果你搵緊一款唔黏膩而且能夠迅速滋潤皮膚嘅乳液，佢係值得一試既✨但如果需要長時間嘅保濕，可能需要搭配其他產品 一齊使用。