LANCÔME

淨澈亮肌精華水 (Clarifique極光水) (已停產)

感謝@cosme的試用邀請，可以一次過試曬2款Lancome嘅人氣產品，分別係小黑瓶X極光水。今篇分享主要係講極光水嘅，官方說明係可以令肌膚舒適水潤之餘，更有效令膚色更均勻、透亮、淨澈。又可以加快肌膚嘅角質更新，肌膚變得柔滑、同毛孔更加細緻。基於呢2個功效，就已經好想試極光水了，因為本身膚色有不平均，加上夜瞓真係面會容易黃啲，所以收到試用真係好開心，可以決定要唔要買貨size😊
講返枝極光水，因為容量比較少，咁就淨係夜晚先用嘅，同埋有均勻膚色嘅護膚品我都習慣夜用，咁樣可以避免曬到太陽，質地係好吸收嘅，用左2日到已經明顯見到皮膚係有水潤光澤感🥰同埋倒出嚟會見到好似有少少閃閃地嘅光感，唔知係咁所以瞓醒會覺得有亮白嘅感覺。