LANCÔME

淨澈亮肌精華水 (Clarifique極光水) (已停產)

首先多謝抽中我做分享試用❤️❤️不過只係有旅行裝，其實唔足完全跟指引用七日，試用期中段，我只係用咗小黑瓶。

使用時嘅肌膚狀況：我剛剛做完M22，皮膚好需要水份，做完treatment肌膚都會被抽乾，要一個好嘅補水產品非常之重要。由於剛剛做完療程，毛孔比起之前已經收細左，但係乾燥嘅情況係比之前更加嚴重，所以會見到肌膚有點點乾紋，。我就由呢一個過程開始試用。

產品介紹：
Clarifique極光水以「97 : 3」的最佳比例揉合兩種精華質地：97%澄透精華水蘊含法國山毛櫸嫩芽萃取混合3%的油潤精華。使用前，要混合雙層精華配方，確保發揮最強大的煥膚雙效
小黑瓶賣點係膚色變得透亮均勻，觸感變得更水嫩柔滑，今次對我嚟講係一個好好嘅機會去體驗一下做完療程之後，小黑瓶，係咪真係幫到我鎖水。


使用方法：早晚都係爽膚水後，先用精華水沾滿棉花，輕輕抹上面上，吸收後，再用精華去塗抹全面等吸收，之後再上面霜。
(但由於精華水只得10ml, 我早晚用咗兩日半左右就已經用完)

用後感：
保濕狀況-我覺得情況有所改善，尤其朝早化妝上粉底嘅時候，會感覺粉底比平時貼服。
細緻毛孔-有所改善
光澤度-有輕微提亮效果

圖為我輕上cushion後效果(before and after都有上粉)，用後個妝感係幾好。
亦由於我剛剛做完療程，所以部份正面效果都會來自光學療程，未必完全因為產品，不過對於產品嘅效用，基本上都係正面，但可能要使用較長嘅時間，有返適當份量，效果會更加明顯。