Too Faced

Chocolate Bar

顏色上有最大眾化嘅大地色，有齊打底加深，提亮果啲。佢其他色望落好似用唔到太過深，其實有驚喜特別係隻紫色上眼好溫柔，唔老唔姣 比較日系。佢啲粉有朱古力味偏奶香，一路聞住化好開心。佢啲色上眼唔會周圍飛，亦都明顯上到色，最好嘅嘢係好易暈染唔洗掃咁耐，仲要意外地好防水，沖完涼都冇甩色真係好勁。但係我覺得最好嘅係佢啲色全部都唔會太誇張任何兩隻一深一淺撞埋一齊已經好靚。價錢上都算合理，有咁多隻色都只係380,係唔知裡面隻粉紅色點用姐。仲有一個貼心位係佢眼影盤係用磁吸唔洗驚㩒唔實。