KERASTASE

逆時光至臻修護髮膜

今次喺@cosme抽中逆時光至臻香氛修護精華、逆時光至臻修護浴髮乳、逆時光至臻修護髮膜

#逆時光至臻修護髮膜 係白色乳霜狀，有濃濃嘅木、花香味，洗完仲留住適量嘅香味喺頭髮🌷🪵

逆時光至臻修護髮膜係用完洗頭水之後再用，搽上頭即時覺得頭髮好水潤！
就算用唔夠滋潤嘅洗頭水，之後有少少打結都可以輕鬆令頭髮變返順滑。

之後仲要用可以抵禦高達230 °C高溫嘅逆時光至臻香氛修護精華，就算熱風吹頭都可以保護頭髮，令到頭髮更順滑有光澤。

經過十幾日用全系列嘅修護精華、浴髮乳、髮膜去護理頭髮，覺得成個髮質健康咗。
頭髮有咁上下長，營養真係去唔到髮尾，因為工作要見人嘅關係，每日都捲髮真係令髮尾好乾，用咗呢系列真係保養到把頭髮健康順滑，見客都唔怕失禮人。