KERASTASE

逆時光至臻香氛修護精華

樽身設計一望就覺得優雅高貴，個人用法係1）洗完髮後吹髮前先倒係手心再搽係半濕狀態既髮中至髮尾，有抗熱效果，頭髮吹乾後唔會變得乾旱，反而滋潤左頭髮，令頭髮柔順左；2）出街前一樣倒係手心，再直接搽係乾既髮尾，雖然係油，但由於質地輕盈，髮尾好快就吸收左精華，再將剩餘係手既隨意搽係頭髮度，都即時改善毛躁髮絲，頭髮望落水潤光澤，而且呢隻精華帶有既木調香味十分舒服，特別是麝香既味道，的確稱得上係頭髮香水。用左呢支香氛修護精華兩星期有多，感受良好，做多一個步驟，可以修護頭髮，令頭髮更健康之餘，又散發令人舒服愉悅既香氛，十分稱職。