KERASTASE

逆時光至臻香氛修護精華

多謝@cosme 抽中參加KÉRASTASE試用活動。
玻璃樽身好墜手，質感好好，用完可以拎空樽去指定專門店回收，非常環保。

我嘅頭髮極幼軟，曾經漂頭同定期染髮，每日早晚都會吹頭，另外早上仲用曲髮夾SET頭。
雖然長度只係及肩，但如果無好好打理就好容易毛躁同易打結。

KÉRASTASE香氛修護精華可以抵禦高達230 °C高溫、抗靜電，非常適合吹頭同用曲、直髮夾前使用。
修護精華嘅稀杰程度同一般髮尾油差唔多，就算搽上乾髮都好快滲透髮芯，完全唔油膩，唔會令頭髮扁塌。

第一次日用已經令我好驚喜，因為平時濕髮搽髮尾油都仲有少少打結嘅感覺，只係用香氛修護精華都已經令頭髮順滑唔打結。吹乾之後頭髮唔覺得乾旱毛燥，仲充滿光澤，而呢個柔順仲可以持續到第二朝。
真係唔可以當佢係一般髮尾油，係頭髮嘅精華液。

KÉRASTASE香氛修護精華除咗護髮外，香味亦係佢嘅賣點之一。
老實講一泵出嚟有少少覺得太濃，但吹完頭之後就覺得香味啱啱好，
而且第二日起身都仲可以聞到香味，一早起身就覺得自己香噴噴，心情都好啲☺️