Dior

傲姿唇膏

好榮幸今次收到Cosme嘅試用，包括唇膏同補充裝各1枝，佢地分別係：
999 satin (唇膏）-正紅色
720 matte (補充裝）-有啲豆沙feel嘅紅（上面係720，下面係999）
先講左999先，收到嘅時候我都好驚會用唔著，因為我平時都唔會買正紅色。擦上嘴比我嘅感覺係好靚好有氣場，但會比較適合白啲嘅女仔/化左底妝嘅時候用。如果真係想係平日淡妝/素顏嘅時候用，薄薄地咁擦一層就好夠，都會有精神同好氣息嘅感覺。
我嘅嘴唇係偏乾，平時訓前/化妝前都會用潤唇膏。擦完之後冇乾嘅感覺，都唔顯唇紋，滋潤度都唔錯。但持久度上，一樣都會印到少少係杯，我朝早8點擦，到午餐時間仲有色，但食完午餐就要補。之後就到720，呢枝比較自然，平時日常淡妝嘅時候用都唔會太誇張，都顯白。如果係比較鍾意豆沙色嘅，呢枝都係一個好選擇！
個人係對matte 嘅唇膏又愛又恨，matte好容易搞到個嘴好乾，但呢枝唔會令到個嘴好乾，而又keep到matte個feel，呢個位係真係令我好驚喜！持久度上，同999都差唔多。總結黎講，2枝都唔錯，可以睇翻自己鐘意嘅質地同顏色選擇。