CLINIQUE

激光活膚緊緻精華 #Laser緊緻去紋精華

收到@cosme嘅試用特別開心，因為好多時都係正裝，有時仲係新品。
一路都好想試用啲抗老同緻精華，但以前試過，好多都欠缺補水度，令我卻步，寧願搽返補濕精華。
今次呢支精華泵裝，屬衞生包裝，唔怕倒瀉；份量有50ml，比市面30ml精華來講算大支，所以$890算中價。
泵出嚟發現係乳白色嘅lotion狀，跟以往用開嘅透明gel 狀大有分別，容易好似lotion咁搽全面，睇得出佢好薄身。同埋感覺唔會好似之前用維他命A醇嘅產品咁，用完塊面好緊好乾，果然有透明質酸加持，補水程度有保証。
用咗個幾星期，明顯見到毛孔緊緻咗，仲唔會翌日塊面乾到化唔到妝，仲有意外係：前排天氣忽冷忽熱，生咗好多痘痘，佢幫我啲痘印減退咗好多。
25歲嘅女仔都要入手返支，當然佢主打抗衰老，因此濕度低嘅日子，我都會再on top搽主打補水嘅油或者精華。

使用前：毛孔較粗大，右下方痘印較深色
使用後：毛孔細緻咗少少，痘印都淺色咗