KLORANE

金雞納及有機雪絨花防脫育髮精華

之前都有用過呢個牌子嘅洗頭水，覺得都唔錯，所以今次就試埋呢枝育髮精華。
首先，呢枝精華真係非常簡單易用！洗完頭之後。喺頭頂噴幾噴，然後用手指按摩幾下，頭皮好快就吸收晒，一d都唔會黏立！就算出街前噴都唔怕會影響造型。以前試過好多唔同牌子，有好多都會漿住d頭髮，有啲就會好油，試過揸完出街比人以為我幾日冇洗頭！
而且佢嘅味道清香又唔會太濃列，噴上頭果時仲有少少涼浸浸嘅感覺！
因為本身髪質屬於超幼，非常易甩！平時用手指梳一兩下都會甩幾條頭髮，洗頭吹頭嘅時候就更加多！Keep 住用咗兩個禮拜，已經見到有d小毛毛生緊出嚟。配埋佢枝防脫洗頭水一齊用，感覺好似効果更加突出，明顯掉髮少咗，用手指梳都只係甩一兩條！
至於份量方面，雖然望落去好似唔算好大枝，不過可能我慳住用，我自己就啱啱好夠用一個月，如果日日都早晩噴就可能會好快用晒。所以建議根據自己既需要去調節使用次數同份量，咁就唔會覺得唔夠用。