CANMAKE TOKYO

美肌BB Cream

試用品最後一樣bb cream ，仲要係新品，當然要好好測試下先對得起東主啦😂
收到色號嘅係2號色，唧出嚟係帶黃調嘅乳液狀，少少滋潤感，起初擔心會唔會深色咗，上臉居然啱啱好，呢支bb cream話可以代替防曬同base，我就唔額外搽其他嘢，搽完保養就直接上，我半邊臉用化妝海綿上，另半邊用同牌粉底刷上，另小部位用手推開，唔上遮瑕同定妝，用海綿上用量少啲，比較清透，用粉底刷上就用量大嘅，比較厚實啲，兩邊都可以遮住泛紅，不過痘印同斑點都係要靠遮瑕，唔係好遮到毛孔，而用手上嘅地方似無搽過，所以如果皮膚無太大瑕疵可以當乳液直接搽，想有返啲遮瑕度都係用工具上妝
係非冷氣房室內持妝半日，淨係額頭同鼻哥出油，鼻翼無浮粉，眼下無現乾紋，其他地方完好，因為粉底液聲稱唔駛卸妝油，用普通洗面乳洗得甩，我特登先按平時洗面程序洗一次，再用卸妝油沾濕化妝綿抹，化妝綿竟然無底妝殘留，但是如果有上其他化妝品，都係用返卸妝產品洗會好啲
最後一樣就係我最緊張嘅就係會唔會致痘，或者令痘痘惡化，因為測試時全程係室內並無做過任何會導致出汗嘅活動，肌膚都處於穩定狀態，洗完面都未見有新暗瘡，原有暗瘡都未有變大或紅腫，搵日會再出戶外試多次
整體而言新版bb cream的確比我想像中好，多功能可以係短時間內極速化好底妝，又唔會太重妝感，價錢又平，對小資女同新手係一個唔錯入門選擇