NARS

Light Reflecting 原生光亮肌粉底液

今次多謝@cosme揀中我試用全新推出嘅 LIGHT REFLECTING 原生光亮肌粉底液🥰😋
一收到果日就即刻開咗嚟試！

雖然宜家第五波疫情嚴重，日日戴口罩出街，但其實我自己返parttime時都係要化個妝先出街見人，即使平時大學zoom上堂，淨係開鏡頭都要化返個粉底見得下人🤣😙。

其實宜家出街戴口罩，即使返到屋企卸完妝會好好保養皮膚，或多或少都有啲影響，再加上自己皮膚本身都好暗啞，搽自己用開嘅粉底都無乜改善到我嘅問題，相反，呢隻粉底我就覺得幾啱我自己喇🤩🥰！

首先佢最明顯見到嘅功效就係皮膚明顯地提亮咗，平時自己用開嘅粉底都唔太做到提亮膚色嘅效果，但呢隻係可以做到透亮嘅妝容，特別喺陽光下就見到塊面有光澤🤩！

另外我都中意佢呢隻嘅護膚效果，收到呢隻粉底之前都有聽過朋友講過佢嘅養膚作用好好，即使平時要成日化妝/戴口戴都唔驚😆。啱啱再上網揾，佢仲加入咗70%嘅護膚成分，呢啲成分亦都有提昇肌膚光澤同均勻膚色效果大大提高😚，呢到我塊面搽完出嚟無咁暗啞，改善膚色唔均勻嘅情況😣。

最後就係呢隻粉底容易推開，搽出嚟又唔會好厚身，個人認為整體嚟講好好，一路化妝扮靚之餘，仲令皮膚好咗！個人會推薦呢隻粉底比又想靚又想皮膚好嘅大家使用！🥳😙