YVES ROCHER

防脫髮洗髮露

多謝@cosme抽中我參與試用「YVES ROCHER 防脫髮洗髮露」。之前都用過YVES ROCHER嘅Lotion，所以對呢個牌子嘅印象係偏向大自然嘅味道。今次試用嘅防脫髮洗髮露氣味都係天然，聞落好舒服。



洗髮露質地比較杰（有啲似蘆薈gel），不過加水後好快起泡，但起泡唔算好多。

我頭髮雖然冇漂冇染，不過之前有拉直過，所以都比較乾。同埋可能因為頭髮比較長，每日梳頭洗頭時都甩好多頭髮。

用咗一個星期後，洗頭時甩頭髮嘅情況有改善，啲頭髮唔會再塞哂個去水位，比之前甩少左，而且洗完唔乾。