VT COSMETICS

VT CICA MASK 10 SHEETS

積雪草近期大熱，越來越多有積雪草功效嘅產品推出。聽過一個敏感肌朋友講呢個牌子嘅mask令佢好驚喜，我於是都入咗手一盒mask set試吓。


我係混合肌但又易泛紅，間唔時都會生痘痘，有時生理期會生大粒又痛嘅暗瘡，想補濕都會怕太笠，紓緩嘅面膜又未必夠補濕。

暫時都敷咗一盒，發現呢隻面膜對降紅見到即時效果，起緊嘅痘痘都會扁咗好多，我暫時未搵到有同樣功效嘅面膜，真係唔錯👍🏻

面膜質地係類似網紋嘅質地，未至於去到蠶絲面膜咁貼面，但都算唔錯，裡面嘅精華好足夠，唔會過多。唯一唔好係個面型唔係好啱我，尤其係鼻樑同同眼頭嘅接位，我要剪開佢先可以更貼面。

面膜價錢係$75一盒10片，比起有啲貴面膜，性價比好高。我自己有試用過同牌子嘅積雪草精華，但效果都唔及呢款面膜咁有即時效果。如果大家同我一樣有相同肌膚問題，不妨試下！