Mustela

有機認證牛油果萬用修護霜

超好用！💓 真係係今個冬天救咗我
軟滑膏狀狀地，順滑易推開，薄搽厚搽都輕薄唔會有好厚好重嘅感覺，但係又好夠滋潤，無香料味而係淡淡嘅天然牛油果味(雖然個人覺得好似開心果味😂)，我個人幾鍾意但係我媽咪就話陣味嘛嘛地🫤 不過味道比較個人好難講

而係用途上真係超正！搽咩都得！🤣🤣🤣 今年冬天有幾日我皮膚因為天氣突然轉乾而變到好敏感 (平時唔係話敏感肌但係如果無休息好就會變敏感)，塊面同唇都好敏感，其他產品用完都刺痛，個唇用平時個隻潤唇膏甚至用完變到又紅又腫又痛🥴 咁啱有呢支Cosme寄黎用下，個唇即刻舒緩翻曬慢慢消腫 (張圖係啱啱搽走其他產品再搽呢支上去，所以仲有少少紅腫未退，不過係已經即刻唔痛同消緊腫👍🏻💯👏🏻)
所以係敏感肌上真係好有用，低敏而又舒緩又滋潤👍🏻👍🏻💓
用完瞓覺起身都夠潤，唔會話有一層係面，會全部已經吸收曬，但係都唔會乾

之後嘅時間都有因為天氣乾用佢搽下手手腳腳，都好滋潤而唔黏唔膩，用係後腳跟都唔會話搞到隻鞋油淋淋 👍🏻☺️

係唯一價錢上唔算叫做平嘅產品，不過防敏而滋潤嘅天然產品多數都係呢個價錢，同埋都唔細支，好用！😆👍🏻

P.S. 佢鋁筒身係為咗環保設計，不過有時佢會因為慣性㩒完一D出黎佢又會出多少少，一開又可能會啫出少少，用嘅時候力度要留意🌟