Eucerin

舒安特效修護面膜

多謝Eucerin 同@cosme今次俾我嘅試用！
係我搵咗好耐嘅無色無味超補水極速降紅唔黏笠嘅面膜呀！😍😍😍

精華液質地：
好水，無色無味（其實仔細去聞係有少少化學品味道，但係完全唔明顯唔刺鼻），精華液超級多，敷15分鐘係唔會吸得哂，敷多條頸10分鐘都仲係濕㗎💧最最最重要係敷完塊面唔會有層膜，唔洗面都唔會唔舒服。

面膜紙：
紙質好薄，敷咗上面應該都仲可以用到face id 🤔 因為紙質夠薄，敷上面好舒服，唔會覺得焗住。面膜紙好大張，我面比較大都可以完全覆蓋。剪裁方面，對我個人嚟講唔算好貼面，難得可以覆蓋我成個鼻，但係就要自己堆疊吓面珠嗰啲部份，向鼻嘅方向推，先可以連鼻邊嘅位置都敷到。

抗敏降紅：
咁啱試呢隻面膜嗰時試緊新護膚品，搞到面珠有啲泛紅（第三幅圖左邊），同埋有啲乾。敷咗呢隻面膜15分鐘之後，竟然冇哂啲泛紅（第三幅圖右邊），好驚喜😳我覺得佢質地好似美容院做完機之後敷嗰啲降紅面膜，誇張啲講，係會塊面感覺到不停吸收啲精華液。

好鍾意呢隻面膜~ 好肯定會自購返嚟用🫶🏻