CANMAKE TOKYO

Make Me Happy 身體噴霧 - Citrus

Make Me Happy係Canmake嘅旗下嘅香氣系列，今次試用嘅body mist細細支方便袋出街，隨時都可以補噴! 話明係body mist，除左為身體增加香味之外，噴霧成份亦會有為肌膚保濕成份，例如角鯊烷、荷荷巴籽油等等，所以噴上身輕拍會有些微黏笠感，但好快就會冇呢程感覺，亦會令皮膚有小小濕潤嘅光澤感。樽身係水泥灰色，設計簡潔，有D似小眾香水設計嘅感覺。

身體噴霧系列總共有三個味道，包括White、Taupe同埋Citrus。 幾款身體噴霧持香度大概1-2小時左右

- Citrus 💛私心推介！ 係木味基調嘅檸檬茶味～ 感覺獨特有個性，我鍾意喺返工嘅日子用呢支。經常喺冷氣地方，有時噴下可以令皮膚感覺冇咁乾燥！

對於我呢個香水迷黎講，呢個系列嘅味道改變左我對低定價香水嘅睇法，係我試左之後仲會再拎黎用嘅！當然唔能夠寄望持久度高，但絕對適合約會同返工用！畢竟呢d場合有時味道太重反而會令人對你印象冇咁好。