Benefit

深層淨化毛孔泥膜

多謝@cosme 今次抽中我可以試用benefit呢set PORE CARE 毛孔護理系列，可以收細毛孔控制出油嘅試用裝😊

我本身好懶，唔鍾意敷泥膜，同埋好多時泥膜都係大大盒大大枝，要用好一段時間先會睇到少少效果，性價比同時間上都唔會令我覺得方便容易就見到我想要嘅效果。

今次試用benefit呢個泥mask試用裝細細盒，原本我諗住都可能要用一段時間，咁細盒應該都係睇唔到咩即時效果啦～點知！試用第一次已經立即睇到效果！！好神奇呀！就好似張圖咁😳

我好容易積聚黑頭，亦都唔易清得乾淨，毛孔成日被黑頭粉刺撐大哂，都好難收返細，一直以黎都半放棄狀態去處理我鼻上啲毛孔😩

講返個泥mask,佢唔係好厚重好似泥漿嘅果種質地，偏流質水狀少少嘅，顏色係紫藍色咁，冇咩特別氣味，我薄薄咁敷上一層，份量足夠cover成個鼻就ok,如果厚敷等待時間就較長，我薄敷唔洗10分鐘已經乾左👍🏻

佢乾左之後係會變成一個個洞，代表有深入毛孔清潔，帶走啲污糟野🫣成個過程都冇咩感覺，冇刺激性，等到完全乾左之後再洗泥mask,唔需要另外抹走泥膜再洗，直接用水洗好易洗得甩，個鼻即刻乾淨左好多，清走左好多黑頭！係無任何拉扯按壓毛孔下可以有呢個效果，我真係好驚喜🫢
而且都只係一星期用1-2次，我繼續keep住用左2-3星期，效果都係有嘅！下次試下厚敷睇下會唔會再乾淨啲🤭睇下黑頭會唔會生得慢啲少啲