BOBBI BROWN

蟲草抗氧修護精華粉底液

Bobbi Brown嘅蟲草粉底一向都好出名, 加咗蟲草精華，提升咗保濕同修護能力, 今次除左收到cushion, 仲有佢地既粉底液

雖然自己係乾肌, 但喺既個春天已經來臨既香港, 本身有少少擔心太滋潤既底妝會唔會好焗(而且仲間唔中要戴口罩), 不過使用後又覺得佢既滋潤度剛剛好

質地好容易推開, 試過用手上或者用美妝蛋上粉都無問題, 慢慢上幾次都做到遮瑕效果, 同埋even用多少少喺眼下或者虎紋位都唔會太乾or卡粉, 遮毛孔能力亦令人滿意
我亦欣賞佢有SPA40 PA++++, 平時我都習慣搽防曬, 如果粉底有多一重保護就更安心, 唔怕曬黑或者比紫外線傷害皮膚~
(一吱出黎係比較黃, 但因為好易推開, 可以做到好薄身得黎又撫平晒毛孔)

質感係好水潤, 做到奶油肌效果, 有種貴婦感, 佢既奶油肌並唔會係油光滿面個種, 而係天生好皮膚的感覺