KAMINOWA法之羽

生髮素

多謝 @cosme 邀請試用法之羽，因為我一直都有髮際愈來愈寛同脫髮的困擾，所以都一直想搵到個啱嘅產品幫助改善。
首先，講一講養髮液先（圖左二）
細細支，不過都可以用好耐，我早晚都會搽係髮際位，用咗兩星期左右，感覺髮際真係有明顯改善，我諗繼續keep住用就會更好。

第二，生髮水（圖右一）
佢每包獨立包裝好方便攜帶，而且都好容易撕開，而且又唔洗用水沖，直接放入口就飲水就ok，入口甜甜都好正，但係功效嘅話我就唔係太確定，我當係supplement 食住先

第三，洗頭水（圖左一），護髮素（圖右二）
依兩支我就一齊講啦，洗頭水用完我係覺得比較乾嘅，不過加返護髮素就潤返少少，不過可能佢都唔太適合我嘅髮質，我唔係好覺甩頭髮少咗，同埋因為用完護髮素都冇話真係好潤，所以我都有用埋護髮油。可能間中交替其他洗頭水護髮素用會比較好。