INNISFREE

維他命C綠茶酵素透亮精華

今次試用左Inisfree維他命C綠茶酵素透亮精華。維他命C即刻就諗到美白啦，夏天多戶外活動，依家用真係時間啱啱好！扭開白色樽身有一支試管，精華入面有d橙橙地色嘅嘢，應該就係維他命C膠囊。搽上面一開始質地有少少黐，之後都幾清爽。精華好快就吸收曬，可能最近開得多冷氣，原本皮膚就比較乾燥，用完即刻補充返水份。我原本皮膚都唔算太穩定，有時會生暗粒同痘痘，用完依支精華後，皮膚都無泛紅敏感，用左2星期，皮膚穩定，摸落去仲平滑左，膚色均衡返。