LAURA MERCIER

純淨無瑕柔霧粉底液

多謝cosme抽中試新粉底Laura Mercier 純淨無瑕柔霧粉底液，包裝簡單幾可愛，但個泵嘴唔係特別好用。
粉底流動性高易推但唔易乾，用手指、掃、粉撲上都可以。最特別係上面會啞面但唔會乾巴巴，好似一般lotion 上面咁幾舒服，冇卡粉冇斑駁好平滑。本身有好淺雀斑，遮瑕度大概5-6分，遮多d嘅時候粉感會明顯。持妝度的確唔錯，因為習慣有定妝，以我混油嚟講6個鐘左右先有油光算係好控油。
唔好個位係顏色上臉後會有一種唔自然嘅黯啞 (鏡頭唔係好影到出嚟)。色號係1N2，手背上同我他牌嘅粉底深淺度相約，但上臉之後就係冇提亮到，可能係色調問題。無論用提亮妝前定透明妝前，甚至唔同上妝工具都一樣。用LM蜜粉因為係膚色所以有d改善，但整體都係差少少。