YVES ROCHER

木莓水漾亮澤護髮醋

首先要多謝cosme同YVES ROCHER俾呢個機會我試用木莓水漾亮澤護髮醋 (150ml)

其實平時行過路過 見到實體店都有啲想入去睇吓🤣不過始終都冇太大動力🤣🙈呢一個護髮醋對我嚟講係一個新嘗試 體驗唔錯🤣

首先本身嘅髮質係偏油同幼 (頭髮未去到好幼算係偏幼 近幾年幼咗好多🥹)頭髮未算好乾旱 光澤度都還可以 係可能髮尾會有少少乾。平時都冇乜用開護髮素，可能係兩星期一次。

最想講係佢嘅香味🤣🤣🤣係一陣都幾濃嘅莓香味，我個人係覺得還不錯，除非你好抗拒莓類嘅生果 如果唔係應該都可以。沖完水之後佢個味會淡咗好多，不過好神奇 我每日keep住有洗頭，但係佢浸味都可以keep到四日！

佢嘅質地偏水 非常流質 個人覺得佢仲流過水🤣我係喺洗完頭之後用護髮醋 再佢搖均然後再倒落頭髮同頭皮 按摩後再沖洗。每星期只需要用2-3次 我容量都唔算好大 但係唔知點解用極都仲有🤣都幾抵用🤣

用完之後覺得頭髮係清爽 唔會油笠笠 光澤度呢 我未係見到好明顯嘅改善 可能因為本身頭髮唔算太乾旱冇光澤 但係用完好順滑 頭髮易梳咗 冇咁kick。同埋我好中意個樽蓋嘅設計 好易打開 雖然好水質 但倒出嚟又唔會過多 個樽口設計可以易啲控制個量🥰