YVES ROCHER

木莓水漾亮澤護髮醋

感謝@cosme抽中我試用髮醋，未收到呢支試用品之前，我係從來冇使用過任何髮醋。只係有聽聞過佢嘅功效，一直都半信半疑。

呢個護髮醋唔同平時用既護髮素，佢係水狀唔係膏狀，唔使好似用護髮素咁搽好多先滑捋捋，每星期只需要用2-3次， 用既時候唔使倒好多出黎，搽既時候記得要搽埋頭皮啊，咁先可以滋潤埋頭皮架 。沖完水之後，頭髮變得清爽，又唔會好油，頭髮仲順滑左！

講下包裝，佢嘅樽身唔高，樽蓋好似波板糖咁，方便手濕嘅時候都可以扭開。擠口好似一般化妝水嘅設計，要輕輕chok下個樽先會流出嚟 ，可以好好控制用量。

用左一段時間之後，洗完頭之後好乾爽，梳頭既時候少左打撠 ，啲頭髮冇咁 旱 ，少左開叉，仲有光澤左✨，第二朝都保持到個頭唔會扁塌，感覺頭髮真係健康又靚左，好好用。