YVES ROCHER

木莓水漾亮澤護髮醋

多謝@cosme既試用活動，令我認識YVES ROCHER呢個品牌。
上網search先知係一個法國有機品牌，產品成份天然，敏感肌都適用。
收到木莓水漾亮澤護髮醋後，當晚即刻試用。

先講包裝，樽蓋設計好易扭開，入面洞口唔大，方便控制用量。

本身從未試過用任何醋產品係頭髮，醋wor，諗住一定係酸味，有少少擔心會嗱頭皮，點知一打開有陣甜甜既苺香。我係洗頭+護髮素後，倒左3-4下係頭皮，再3-4下係髮尾，一D都唔嗱，按摩左一陣，放左3分鐘就沖洗。


佢唔似一般焗油髮膜個種有層順滑感包著頭髮，反而沖洗完頭皮有種清爽感。第二朝訓醒頭髮有自然既蓬鬆感，陣香味仲可以last到第2日。