Benefit

滑溜毛孔去角質粉（毛孔打磨粉）

多謝@cosme 今次抽到我試用Benefit the POREfessional PORE CARE毛孔護理系列嘅護膚品

今次試用產品有三樣，分別係毛孔水份導入精華、滑溜毛孔去角質粉、以及緊致毛孔睡眠面膜

我近期嘅膚質係混合偏乾，額頭會出油，面頰、鼻同埋下巴就偏向中性肌膚。由於以前係咁唧黑頭，個鼻同埋面頰中間嘅毛孔比較大

呢個滑溜毛孔去角質粉官方介紹係毛孔打磨粉，可以吸走多餘嘅油脂、緊致毛孔、去角質及撫平肌膚、令肌膚更柔軟光滑。建議每星期使用一至兩次。

要注意返呢一個去角質粉係有酸，包括AHA同PHA，可以緊致毛孔同煥膚，未試過用有酸類嘅產品就最好去試用一下睇吓有冇敏感嘅情況啦。我本身有用開水楊酸棉片清潔皮膚，所以就直接使用呢個產品。

佢嘅粉末都偏幼細，上面按摩都唔會點痛，可以加水去改變佢嘅質地同磨砂強度，我就鍾意綿密啲溫和少少，所以會加多少少水。如果本身係油性皮膚嘅話可以唔落咁多水，佢嘅磨砂強度就會勁啲。

用完之後覺得塊面係有提亮左，清潔力度絕對足夠。肌膚係有滑左，試用期間都冇生暗粒、暗瘡。不過無可避免就係用完都會有啲乾，需要注意返保濕。

呢個去角質產品應該比較適合油性肌膚