YSL BEAUTÉ

情迷凝亮唇蜜

多謝Cosme邀請試用🩷

本身我唔搽潤唇膏嘅時候，個嘴唇 會好多乾紋同冇血色，所以我日常都有保持搽潤唇膏嘅習慣 。平時見到嘅唇蜜都係液體狀，而呢支係固體，覺得好方便使用 之餘又衛生啲。

另外，YSL呢支 唇蜜係帶有顏色嘅，而我拎到嘅係15號 Showcasing Nude。就咁睇係祼色，搽上手會見到係祼色帶點豆沙色調 ，只係搽一層都好顯色，而且好有光澤感 。

我唇色本身係白得黎帶少少紫色，搽咗兩層唇蜜之後明顯見到原本白色嘅地方已經變咗祼粉色，整體都好自然，好似係原本自己嘅唇色咁。本身嘴唇啲乾紋撫平晒之餘，又好bling bling，最緊要係唔會覺得好黏膩，幾啱化自然淡妝嘅 時候用。

唇膏嘅包裝睇落簡單得黎又帶點高貴 ，而且細細枝方便攜帶，返工或者去dating 用都冇問題～

要值得留意嘅係呢枝唇蜜嘅包裝扭左出嚟就唔可以收返埋，所以每次都要按所會使用嘅份量去扭出適量嘅唇蜜。唇膏本身有一陣微微似哈密瓜嘅味道 ，我個人就覺得幾香 。