NARS

胭脂

今次試用嘅係全新升級嘅 ~ Nars皇牌胭脂~ 作為Nars Orgasm呢隻顏色嘅忠實粉絲，好開心可以咁快試到全新升級嘅胭脂！首先，包裝真係令我好驚喜，為配合環保嘅設計，成個包裝都厚實咗，感覺上可以真係用到好耐。因為以前個款設計，開合位嗰度真係比較易爛，我用咗咁多盒每次都係爛嗰個位。但今次呢個升級咗嘅包裝，令我好有信心可以用到好耐，十分欣賞品牌為環保作出調整。

至於胭脂顯色度同持久度方面嘅表現，亦同樣令我十分滿意。舊版嘅胭脂本身已經好出色，所以我先會不斷回購。而今次升級咗嘅配方，細緻幼滑度方面嘅表現尤其出色。用同樣嘅上妝方法，感覺上比舊版更加容易暈染。至於顏色方面，我仍然十分推薦Orgasm呢隻顏色，升級版嘅閃粉更加細緻，絕對可以令成個妝容加分唔少。

#火熱新品