NARS

胭脂

首先多謝@cosme 抽中咗我 令我可以試用呢個咁好用嘅胭脂
NARS嘅胭脂其實已經聽咗好多年 但一直都未試過 特別係身邊其實好多人都有講過 ORGASM呢隻色 但之前去過專櫃睇發現有好多閃粉 我嘅習慣係用開啞色嘅胭脂 所以一路都冇買嚟試
點知今次收到ORGASM呢一隻色嘅胭脂 試用完之後真係一試愛上！！

本身一打開嘅時候見到隻色係咁嚇親 喺手到試完之後 心諗呢隻色上到臉咪好誇張（詳見下圖）
點知試完上面之後其實隻色係好易Carry到 上第一層嘅時候其實都已經有淡淡的顏色 但我就鍾意顯色啲嘅胭脂 所以就上多幾層
最令我驚喜嘅係即使上多幾層都好 個妝都唔會好厚重 反而都仲係似原生肌膚透出嘅紅潤嘅感覺 而且上到臉其實啲閃粉唔會好誇張 係好似已經幫你做埋highlight咁😍😍😍

持妝嗰方面 個人覺得就未做到佢聲稱嘅16小時長效持色🙈可能因為香港天氣比較熱 好易甩妝 試過出完街八到九個鐘之後 再睇個妝 係得返少少胭脂+ 閃粉 但即使甩都好 唔會甩到一撻撻 所以其實都已經好滿意 佢的確比起我用過 其他品牌嘅胭脂持久 👍🏻

另外有樣覺得可以改善嘅就係佢嘅包裝🙈雖然個包裝好靚 但係易污糟呢樣嘢依然都係改善唔到 我用嗰陣時會confirm自己隻手係咪乾淨先打開個胭脂😂驚整污糟個外殼
（不過當然都明白 其實呢個包裝係佢哋signature嘅包裝 應該都唔會轉 了🙈）

整體嚟講都好鍾意成個胭脂😍😍顏色同埋持久度方面都做得幾好 遲啲會去買埋其他色試吓