NARS

胭脂

#火熱新品
市面上出售嘅胭脂有粉狀、膏狀、液體狀形態林林總總，消費者選購時忐忑喺顏色之間，仲要諗埋妝容效果先可以揀啱適合既產品！今次我試用775號色 ORGASM RUSH 深玫瑰古銅色，呢隻係2024年SS新出嘅顏色，肉眼睇佢係棕紅帶燈色，好似好深色？日常妝未必Carry得到? 等我試吓先！我從NARS 5月份網上活動獲得「迷你胭脂」一件，係新貨贈品，好多謝NARS慷慨送出。
擦一下在臉蛋上，落左街影左幅相見佢係溫暖嘅紅色，顯色度理想，粉質幼細，雖然話就話「眼見為憑」，但隻深玫瑰古銅色擦喺雙頰並唔誇張，效果好似體溫上升導致兩頰紅潤嘅感覺，好自然，加埋少少金色幼閃粉（影相影唔出），好有夏日陽光閃閃燦爛嘅感覺，整體上妝容比較活力熱情，襯埋比較磚紅色嘅唇彩就超級靚。
P.S
NARS產品唯一未能燒著我，係因為佢既特色就係外殼「啞光」質地，原來係好易會黏塵！同埋一不小心刮花咗就係永久嘅痕跡。 所以如果買佢既產品我都係超中意超中意先會入。