excel

日間防曬潤澤底霜

好多謝@cosme抽中試用excel既日間防曬潤澤底霜。呢款底霜係日本推出既時候，已經係social media 見到好多人推介，仲有日本女仔將excel底霜同某日系專櫃既底霜做比較，令我留低好深印象。所以今次試用真係好開心同期待。

呢款底霜主打四合一妝前修護，精華、乳霜、防曬(SPF 32/PA++)和妝前底霜的功能。而係成份方面，蘊含維他命 C、A 醇及 4 種 Ceramides，為肌膚深層補水兼具抗衰老功效。另外，有清新的佛手柑和尤加利的舒緩香氣。包裝亦有圖示提醒，每次用量，非常細心。

以我混合肌來講，潤澤底霜質地係較滋潤，好creamy。雖然簡化左護膚程序，但冇感覺到乾燥。香港炎熱潮濕既夏天黎講，可能對於我會較厚重，秋冬用應該會更好。妝前用的話，粉底更貼服，持妝一段時間後，肌膚亦保持到水潤亮澤。另外，亦有SPF 32/PA++防曬功能，一般返工用都足夠。但個人認為佛手柑和尤加利嘅香味就唔太明顯。總括嚟講，日間防曬潤澤底霜可以幫助簡化護膚程序，十分方便，慳時間。推介比想簡化妝前護膚，中性肌至乾肌比朋友使用。