Dior

J'adore香薰

呢支係Dior 真我純香濃香水，佢個蓋尖尖長長，比我唔小心跌爛左😕 呢款香水我會推薦比中意濃郁花香調既人，因為佢比經典淡香精更加性感豐盈，所以我返工唔會噴呢款香水，會留返係聚會/約會既時候用～ 以下係氣味變化供大家參考： 前1–2小時：活潑花果白花； 3–6小時：濃郁純正重瓣花香； 6小時後：溫暖木質奶香

DIOR J'ADORE 真我應該係呢個品牌其中一支最出名嘅香水。選購既時候發現佢有幾枝差唔多樣（樽身顏色都差唔多😂），所以問SA姐姐邊枝係最Classic，佢都答唔出。最後左聞右聞揀左呢枝！ 樽身好靚，有一圈圈金絲圍住，呢種凹凸紋理感更表現出呢枝香水既高貴獨特。 - 香調 - 花香調 前調 - 柑橘、橙花 中調 - 大馬士革玫瑰、晚香玉、茉莉、依蘭 基調 - 木質香、香草 買完睇成份表即刻知道自己點解揀左呢枝，因為中調既玫瑰同依蘭完全中晒我果排既口味😂 呢枝香水係純花香調既香水，馥鬱明媚，適合想行優雅路線既女性。通俗d學我朋友講，噴完佢「好女人」，簡單易明。 ♥️持久度：7-8 小時，返工前噴3下，放工約會前噴兩下，舉手投足都係令自己開心愉悅既味道

經典既花香調既香水，包含依蘭依蘭、玫瑰同茉莉。 岩岩噴出黎既時候味道比較濃烈，帶有明顯既苿莉香，有d似茉莉味既空氣清新劑。都算清新既，唔會好刺鼻。 大概15分鐘後濃郁既苿莉香漸漸散去，取而代之係溫柔既玫瑰花香、仲帶有少少依蘭依蘭既甜美，成個香調變得優雅成熟。 持香時間好長，朝早噴既到左傍晚都仲可以聞到淡淡花香。噴係衣物既持香更長，可以耐心等待茉莉慢慢轉變成豐富既混合花香，享受香味變換既過程❤️ #火熱新品

平時唔搽香水嘅我都覺得呢個好好聞，淡淡的依蘭依蘭、茉莉、玫瑰、紫羅蘭和鈴蘭，令人覺得好舒服好smooth 🤤 #火熱新品